Menu principal

Menu principal

Tifatuṛin n Sonelgaz: 12% seg wayt Tmaneɣt bɣan ad ttxelliṣen s Internet

Yeffeɣ-d ass n : Akwas, 29 Wamber 2018 14:22   Ɣran-t : 2 n tikkal
Tifatuṛin n Sonelgaz: 12% seg wayt Tmaneɣt bɣan ad ttxelliṣen s Internet

LEZZAYER TAMANEƔT – Yenna-d unemhal amatu n Teṛmist n Ussedger n Tetrist d Wurrig n Twilayt n Lezzayer (SDA, d afurk n Sonatrach), Noureddine Ghoul, dakken azal n 12% seg 900.000 n yimnezda n twilayt n Lezzayer ay yesmenyafen ad ttxelliṣen tifatuṛin-nsen n tetrist d wurrig s Internet akken ad d-ssigren akud.

 

Deg wawal-nnes deg tgara n tfugla i yiriri n tejmilt i kra n yineɣmasen n twilayt n Lezzayer, yenna-d Mass Ghoul i tɣemsa dakken « aɣerman azzayri simal yetteg laman deg uxelleṣ aliktṛunan. »

Seg yidis niḍen, gar 10 n yimelyunen n yimnezda ay tesɛa Sonelgaz, ala 5% seg-sen ay ifernen axelleṣ aliktṛunan, ɣef wakken ay d-yenna. I usmekti, axelleṣ aliktṛunan yettili-d s tkarḍa n Edahabia ay d-tettakf Tnazent n Lezzayer.

Ixebber-d unemhal-amatu n SDA dakken s ussewseɛ n usseqdec n tkarḍa n Edahabia, ad qqlen yimnezda n wakk tiwilayin zemren ad xellṣen s tkarḍa-a.

Seg yidis niḍen, yenna-d Mass Ghoul dakken 5 n yimelyunen n yimnezda ay yesseqdacen imiḍanen inaznanen deg uxelleṣ n tfatuṛin.

Taṛmist n SDA la tettmahal daɣ akken ad tqerreb ugar ɣer uɣerman s ubrid n usawal akken ad as-teḍmen ameẓlu n tɣara. 

Tifatuṛin n Sonelgaz: 12% seg wayt Tmaneɣt bɣan ad ttxelliṣen s Internet
  Yeffeɣ-d ass n : Akwas, 29 Wamber 2018 14:22     Taggayt : TIMNAḌIN     Ɣran-t : 2 n tikkal   Bḍu