Menu principal

Menu principal

Ɛin Ddefla: ugar n 760 n yexxamen ay yettwaqqnen ɣer wurrig agaman deg Lɛebbadeyya d Mxatṛeyya

Yeffeɣ-d ass n : Akwas, 15 Fuṛaṛ 2018 10:21   Ɣran-t : 5 n tikkal
Ɛin Ddefla: ugar n 760 n yexxamen ay yettwaqqnen ɣer wurrig agaman deg Lɛebbadeyya d Mxatṛeyya

ƐIN DDEFLA, 14 Fuṛaṛ 2018 – S ujemmal, 765 n yexxamen n lmectat n Sidi Ɛumaṛ d Ḥmadceyya (tiɣiwanin n Lɛebbadeyya d Mxaṭreyya, Ɛin Ddefla) ay yettwaqqnen, ass n laṛebɛa, ɣer uẓeḍḍa n wurrig agaman. Ssuddsen tafugla i lmend n waya s weḥdaṛ n uwali n Ɛin Ddefla, iduba idiganen d kra n yimesfaydiyen deg yiwen n yeswaɣ yeččuṛen d tumert.

Mi yessawel d twaculin ay d-yesfaydin seg temhelt-a, yenna-d uwali n Ɛin Ddefla, Benyoucef Azziz, dakken ur ttɛeḍḍilen ara daɣ ad ṣeggmen ibriden n temnaḍt-a.

 

Deg wayen yerzan tanezduɣt n tmurt, yenna-d dakken awanak yewjed ad yefk tallalin i yiɣermanen ay yesɛan akal akken ad bnun tinezduɣin-nsen yernu yenced-d iɣermanen-a ad ddun ɣer yiduba idiganen akken ad ttren ɣef waya.

 

Yefka daɣ uwali lameṛ i uciri n yimahilen n tuqqna n 350 n yexxamen n wegmam n Sidi Yeḥya (deg tɣiwant n Zeddin) ɣer wurrig, ɣer yidis n 350 n yexxamen niḍen deg wegmam n Leqṣer n Ṛṛuman n Ɛin Ṭerki d 700 n yexxamen deg Wlad Ǧemɛa.

 

Naqal yerza uwali n Ɛin Ddefla, Benyoucef Azziz, yernu yessefqed acḥal n yisenfaren yeqqnen ladɣa ɣer yegzumen n tnezduɣt d tmeḍrit d waddal.

 

Deg Lɛebbadeyya, yessefqed asenfar n lebni n 500 n tnezduɣin tinmettiyin n lekra deg Uɣaram n Uzemmur, am wakken ay yetter ɣef usenfar n uṣeggem n usarir anɣiwan.

 

Mi yessawel d yimasayen n yisenfaren-a, iger-asen-d tiɣri akken ad ssuggten ussisen akken ad faken imahilen-nsen deg wakud ay asen-d-yettwaḥudden, yernu iḥettet-d ɣef tɣara n lebni. 

Last modified on Akwas, 15 Fuṛaṛ 2018 10:38
Ɛin Ddefla: ugar n 760 n yexxamen ay yettwaqqnen ɣer wurrig agaman deg Lɛebbadeyya d Mxatṛeyya
  Yeffeɣ-d ass n : Akwas, 15 Fuṛaṛ 2018 10:21     Taggayt : TIMNAḌIN     Ɣran-t : 5 n tikkal   Bḍu