Menu principal

Menu principal

NEW YORK – Iger-d tiɣri uwnetlay n uwanak amarikani, Antony Blinken, i uwnetlay amatu n Tuddsa n Yiɣlanen Yeddukklen, Antonio Guterres, akken ad d-yesseɛjel asummed n umazun udmawan ɣer Tniri Tutrimt, am wakken ay d-iwekked ɣef udhal n Yiwanaken Yeddukklen i ukala n ustag asertan gar yidisan ay terza temsalt (Meṛṛuk d Terni n Polisario) ddaw leɛnaya n Tuddsa n Yiɣlanen Yeddukklen.
BAMAKO – Tiyita tagennant tafṛansit ay yeglan s 19 n yiɣarimen imaliyen, ass n 3 Yennayer yezrin deg temdint n Bounty, « d tin ay d-yesnekren iɣeblan d imeqqranen deg wayen yerzan aqader n yimenzayen deg yimenɣi », ɣef wakken ay d-yenna yiwen n ulɣu n Tuɣdaḍt Tagetsektant Yennummden n Yiɣlanen Yeddukklen i Userked n Mali (Minusma).
MADRID - Aneɣlaf n Yiweẓla iwerdaniyen, Sabri Boukadoum, yesseɣret-d deg Madrid dakken tamzelt taredsant drus ur tettqiddi ara i umennuɣ mgal n tremɣa deg Ssaḥel, acku ur tekkat ara timentilin lqayen n waṭan, ladɣa tid yeqqnen s agnu n tneflit.
BIR LEḤLU (Igelluyen iwniriyen yettwaslellin) – Iwekked-d uwnetlay amatu n uɣlif awniri n tɣellist d usefter, Mass Sidi Oukal, ass n usamas, dakken amgaru deg Tniri Tutrimt mazal yettkemmil yernu taredsa tameṛṛukit aṭas ay tesṛuḥ deg 137 n wussan n temhal tiredsanin, am wakken ay d-iɛeyyen i unhil n Lmexzen dakken « ayen n diri akk mazal yegguni-ten ».
LEZZAYER TAMANEƔT – Ad teɛreḍ teɣlamt tazzayrit n tcirḍart ad texdem amecwaṛ-nnes s rrbeḥ akken ad teshuski aɛeddi-nnes ɣer Teqbuct n Tefriqt n Yiɣlanen n 2021 ay wexxren ɣer 2022, yernu ad d-yili waya deg umager ara temmager Botswana ass n uynas deg usarir n Mustapha-Tchaker n Leblida (ɣef tis 8:00 n tmeddit), deg ukatar n wass wis 6 d uneggaru n wurar n Tegrawt H.
RRBAṬ - « Irdayen yellan mgal-inu d tamsulta tasertant ay ten-id-yesnulfan », ɣef wakken ay d-yenna unmezruy ameṛṛuki d unemzaɣ n yizerfan n umdan, Maati Monjib, mi d-yeffeɣ seg tkurmut deffir ma yesfaydi-d seg uslelli uɛḍil.
LEZZAYER TAMANEƔT – Lubnan ɣer-s ugar n 7 n wayyuren aya seg wasmi ay teqqim war anabaḍ ɣef lǧal n umgerrad yettkemmilen gar uselway Michel Aoun d uneɣlaf amenzu Saad Hariri, yernu d aya ay yeǧǧan amɣiwan agraɣlan ad yessejhed aḥṛas-is ɣef yimḍebbren ilubnaniyen.
LEZZAYER TAMANEƔT – Yessenṣef unabaḍ ayamani s tsentayt tasaɛudit i usebded « amakki » n yimenɣi deg Yaman deg wakud aydeg amussu n « Ansarallah » (yettwassnen s yisem n « Iḥutiyen ») yugi-tt, ma d Iɣlanen Yeddukklen d Temɣunt Taɛṛabt gren-d tiɣri i yidisan ay terza temsalt akken ad faken amyenkaf-nni yernu ad d-lhun s uferru n wuguren n uɣref ayamani.
LEZZAYER TAMANEƔT – Iwekked-d ugensas n Terni n Polisario deg Fṛansa, Mohamed Sidati, ass n uynas, dakken aɣtas aneggaru n Useqqamu n Talwit d Tɣellist n Tdukli Tafriqit « yefres abrid » i Tuddsa n Yiɣlanen Yeddukklen akken ad frun amyenkaf deg Tniri Tutrimt, am wakken ay d-iger tiɣri i tuddsa-a akken ad teddem tamasit-nnes « s wudem uɣtis yernu s tmeɣsiwt n tidet » deg wayen yerzan aɣref awniri.
LEZZAYER TAMANEƔT – Yenna-d uneɣlaf n yiweẓla iwerdaniyen, Sabri Boukadoum, ass n uynas, dakken aɣtas aneggaru n Useqqamu n Talwit d Tɣellist n Tdukli Tafriqit ɣef Tniri Tutrimt d « axatar aṭas » yernu d aksab ara yessiwḍen ɣer tɣellist d urkad deg Tefriqt n Ugafa.