Menu principal

Menu principal

NEW YORK (Tuddsa n Yiɣlanen Yeddukklen) – Iger-d tiɣri uneɣlaf n yiweẓla iwerdaniyen, Sabri Boukadoum, ass n ukwas seg tesɣimt n Tuddsa n Yiɣlanen Yeddukklen deg New York i uzday n wussisen n wakk tidusiwin timuddirin i « uḥbas war leɛḍil n utɛeddi » aṣehyuni ɣef yigelluyen ifalesṭiniyen yettwawedgen.

Published in AMAḌAL

 

NEW YORK (Iɣlanen Yeddukklen) – Tules twekked-d tgensest n Terni n Polisario deg Yiɣlanen Yeddukklen, ass n usimwas, dakken d Meṛṛuk ay d-yellan d unjug deg usummed n umazun amaynu n Tuddsa n Yiɣlanen Yeddukklen i Tniri Tutrimt, yernu d nettat daɣ ay ireglen abrid i tuɣdaḍin n wakk imazunen iɣelduklanen iqburen akken ad yeqqim ukamar awniri akken yella imir-a.

Published in AMAḌAL

DUBLIN – Yenna-d uneɣlaf irlandi n yiweẓla iwerdaniyen, Simon Coveney, ass n usiḍyas dakken asummed n umazun udmawan amaynu n uwnetlay amaynu n Tuddsa n Yiɣlanen Yeddukklen deg Tniri Tutrimt d taɣawsa « tumasant » i wussisen yekkaten i tuqqla n yistagen i tifrat tasertant d tuɣdimt, d tunzigt yernu d tattwadagt.

Published in AMAḌAL

NEW YORK – Iger-d tiɣri uwnetlay n uwanak amarikani, Antony Blinken, i uwnetlay amatu n Tuddsa n Yiɣlanen Yeddukklen, Antonio Guterres, akken ad d-yesseɛjel asummed n umazun udmawan ɣer Tniri Tutrimt, am wakken ay d-iwekked ɣef udhal n Yiwanaken Yeddukklen i ukala n ustag asertan gar yidisan ay terza temsalt (Meṛṛuk d Terni n Polisario) ddaw leɛnaya n Tuddsa n Yiɣlanen Yeddukklen.

Published in AMAḌAL

LEZZAYER TAMANEƔT – Iwekked-d ugensas n Terni n Polisario deg Fṛansa, Mohamed Sidati, ass n uynas, dakken aɣtas aneggaru n Useqqamu n Talwit d Tɣellist n Tdukli Tafriqit « yefres abrid » i Tuddsa n Yiɣlanen Yeddukklen akken ad frun amyenkaf deg Tniri Tutrimt, am wakken ay d-iger tiɣri i tuddsa-a akken ad teddem tamasit-nnes « s wudem uɣtis yernu s tmeɣsiwt n tidet » deg wayen yerzan aɣref awniri.

Published in AMAḌAL

LEZZAYER TAMANEƔT – Amḥaq ay yettwamḥaq uɣref awniri « maci d ayen ay yezmer ad t-ilawi » yernu yessefk ad yeg umɣiwan agraɣlan kra akken ad yessebded takesna-a, ɣef wakken ay d-yenn, ass n uynas, ugensas n Ternin n Polisario deg Tuṛuft d Tdukli Tuṛufit, Oubi Bouchraya Bachir.

Published in AMAḌAL

ABUJA – Yenna-d uneɣlaf awniri n yiweẓla iwerdaniyen, Mohamed Salem Ould Salek, dakken mer ur tettwaɛaqab ara Meṛṛuk ɣef urkaḍ ay terkeḍ Arra Imsebded n Tdukli Tafriqit, d imal n Tdukli Tafriqit s timmad-nnes « ay yellan deg wura », am wakken ay d-iwekked dakken « amgaru » deg Tniri Tutrimt ad ikemmel arma d asmi ara ifak uwdag ameṛṛuki.

Published in AMAḌAL

ADDIS ABEBA – Iger-d tiɣri uneɣlaf awniri n yiweẓla iwerdaniyen, Mohamed Salem Ould Salek, dakken Tadukli Tafriqit d Tuddsa n Yiɣlanen Yeddukklen akken ad ssuggten ussisen i lmend n yiriri n talwit gar yiwanaken imaslaḍen n Tdukli Tafriqit, Tgduda Taɛṛabt Tawnirit Tamegdayt d Meṛṛuk.

Published in AMAḌAL

PRETORIA – Yessawel uneɣlaf n yiweẓla iwerdaniyen, Mass Sabri Boukadoum, ass n usinas, d tneɣlaft tanẓulefriqit n wassaɣen igraɣlanen, Naledi Pandor, ɣef usugget ay yessefk ad ssuggtent Lezzayer d Tefriqt n Unẓul ussisen ucriken deg Tdukli Tafriqit d Yiɣlanen Yeddukklen i lmend n usmal n tnufa n Tefriqt d usedwet n wuggumen n yiɣerfan ifriqiyen.

Published in AMAḌAL

LEZZAYER TAMANEƔT – Mass Sabri Boukadoum, aneɣlaf azzayri n yiweẓla iwerdaniyen, d tneɣlaft tanẓulefriqit n wassaɣen igraɣlanen, Massa Naledi Pandor, gan askasi, ass n usinas deg Pretoria, ɣef temsalt n Tniri Tutrimt yernu ulsen wekkden-d « adhal-nsen ummid » i usummed adeɣyan n umazun amaynu n Yiɣlanen Yeddukklen i ugelluy-a yettwawedgen.

Published in AMAḌAL