Menu principal

Menu principal

Mali tessaram ad tkemmel Zzayer ad turar tamlilt deg ukala-nnes n talwit

Yeffeɣ-d ass n : Aynas, 08 Ɣuct 2022 14:58   Ɣran-t : 1 n tikkal
Mali tessaram ad tkemmel Zzayer ad turar tamlilt deg ukala-nnes n talwit

ZZAYER TAMANEƔT – Teckeṛ-d Mali azal ay tettafk uselway n tegduda, Mass Abdelmadjid Tebboune, i wassaɣen gar Zzayer d Bamako, ɣef wakken ay d-yenna, ass n usamas tameddit, uneɣlaf n yiweẓla iwerdaniyen d unmireg agraɣlan n Mali, Abdoulaye Diop, ay d-iwekkden dakken tamurt-nnes teɣs ad tkemmel Zzayer ad tetturar tamlilt d taxatart deg temsalt n Mali.

« Ummareɣ s wazal d tixxutert ay yettafk uselway Tebboune i wassaɣen gar Mali d Zzayer yernu yessefk dima ad tili tneggarut-a d amgi i talwit d urkad deg temnaḍt », ɣef wakken ay d-iwekked Mass Diop deffir ma yessawel d uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra.

« Nummar ladɣa tagara-a deffir ma iwekked-d uselway Tebboune tuṭṭfa n Zzayer deg tdukli d tummda tagelluyant n Mali akked uḥettet-nnes akken ad aẓen yidisan imaliyen ugar yernu s uɣiwel deg usnas n Umtawa n Talwit d Umsuɣal ay d-yekkan seg ukala n Zzayer Tamaneɣt, yernu wa d amtawa inefɛen Imaliyen uqbel akk ad yenfeɛ idisan niḍen », ɣef wakken ay d-iwekked.

Menɣir Amtawa n Zzayer, yenna-d uneɣlaf amali dakken ssawlen netta d umtil-nnes azzayri ɣef « tḍullit n umahil ugar i wallus n usduqqes n yikataren d tsemdedda n umciweṛ d udiwenni ».

« Ttwaliɣ dakken taseqqimt tasindisant tasnuddsant ay d-nga temlal yakan 17 n tikkal yernu d aya ay yeǧǧan ad d-yennulfu ukatar d afessas yernu d afṛagmati i umciweṛ alugan ɣef temsal tisertanin d unegmu d tɣuri d tamaynut n tegnit deg temnaḍt s umata », ɣef wakken ay d-yessegza.

 

Mali tessaram ad tkemmel Zzayer ad turar tamlilt deg ukala-nnes n talwit
  Yeffeɣ-d ass n : Aynas, 08 Ɣuct 2022 14:58     Taggayt : AMAḌAL     Ɣran-t : 1 n tikkal   Bḍu