Menu principal

Menu principal

Mali/Amtawa n Zzayer: Guterres d Faki ummaren s wamek tfuk temlilit n uswir aɣtasan

Yeffeɣ-d ass n : Asamas, 07 Ɣuct 2022 14:28   Ɣran-t : 0 n tikkal
Mali/Amtawa n Zzayer: Guterres d Faki ummaren s wamek tfuk temlilit n uswir aɣtasan

NEW YORK (Iɣlanen Yeddukklen) – Cekṛen-d uwnetlay amatu n Yiɣlanen Yeddukklen, Antonio Guterres, d uselway n Tesmilt n Tdukli Tafriqit, Moussa Faki Mahamat, axtam urbiḥ n temlilit n uswir aɣtasan yerzan kra n yidisan n Umtawa i Talwit d Umsuɣal deg Mali, ay d-yeflalin seg Ukala n Zzayer, am wakken ay d-wekkden dakken mazal wejdent tsuda-nsen akken ad allent Mali deg wayen yerzan tabdammast tagraɣlant ddaw ulway azzayri, i lmend n usekmem n ukala n talwit.

Sin-a n yimasayen bedren-d, ladɣa, adwat-nsen deg wayen yerzan asnummed n 26.000 n yimenɣan iqburen deg yiɣallen umrigen n Mali d yimeẓla niḍen n uwanak, akked tesmeskal tisudanin ur yeqqinen ɣer ucegger n tmenḍawt, ɣef wakken ay d-yebder yiwen n ulɣu d ucrik gar Tuddsa n Yiɣlanen Yeddukklen d Tdukli Tafriqit.

Aɣbalu-a yerna-d dakken « awnetlay amatu n Tuddsa n Yiɣlanen Yeddukklen d uselway n tseqqimt n Tdukli Tafriqit zeddin-d yiwet n tseqqimt s ddemma akken ad d-telhu ɣef umsegzu deg wayen yerzan asefrek n yikataren iɣarimen d yiredsanen n yimussa inezmalen, yiwen, yiwen ».

I lmend n waya, « gren-d tiɣri i yidisan ay terza temsalt akken ad mahlen war leɛḍil i uḍman n uḍfar yessefken yernu ad sdusen tadinamit tamaynut ay d-yellan, melmi kan, deg ukala-a n talwit ».

« Hennan uwnetlay amatu n Tuddsa n Yiɣlanen Yeddukklen d uselway n tseqqimt n Tedukli Tafriqit, idisan ay terza temsalt ɣef usmuynet n umirew-nsen i lmend n talwit d umsuɣal. Daɣ, ḍemnen-asen amuteg yezgan n Yiɣlanen Yeddukklen d Tdukli Tafriqit deg wayen yerzan tabdammast tagraɣlant ddaw ulway azzayri, i lmend n ukemmel n ukala n talwit arm d tagara-nnes. I lmend n waya, tisuda-a ttṛajunt s unekni d ameqran timlilit n Tseqqimt n Uḍfar n Umtawa n Talwit », ɣef wakken ay tt-id-yextem ulɣu-a.

 

 

Last modified on Aynas, 08 Ɣuct 2022 16:32
Mali/Amtawa n Zzayer: Guterres d Faki ummaren s wamek tfuk temlilit n uswir aɣtasan
  Yeffeɣ-d ass n : Asamas, 07 Ɣuct 2022 14:28     Taggayt : AMAḌAL     Ɣran-t : 0 n tikkal   Bḍu