Menu principal

Menu principal

Askasi ɣef umyenkaf n Tniri Tutrimt deg Strasbourg: Adhal meqqren i uɣref awniri

Yeffeɣ-d ass n : Akras, 06 Yulyu 2022 11:45   Ɣran-t : 2 n tikkal
Askasi ɣef umyenkaf n Tniri Tutrimt deg Strasbourg: Adhal meqqren i uɣref awniri

STRASBOURG (Fṛansa) – Mennaw n yimazanen uṛufiyen ay d-yessenfalin adhal-nsen aruwtil i uɣref awniri deg umennuɣ-nnes i uzarug mgal unewdag ameṛṛuki, yernu wekkden-d ɣef « tiɣɣudma n temsalt-a d tissuḍeft n tnegmiyin-nnes ».

Deg wawal-nsen deg yiwet n tdabut timdewweṛt ɣef tegnit deg Tniri Tutrimt yettwawedgen s usuddes n tgensest n Terni n Polisario deg Tuṛuft d Tdukli Tuṛufit s ublag d Tegrawt n Tniri Tutrimt deg Umni Uṛufi d Ukabar mgal Teẓrihrit, mennaw n yimazanen uṛufiyen ay d-yessenfalin adhal-nsen aruwtil i umennuɣ i lmend n uzarug n Tniri Tutrimt.

« Adhal-nneɣ i uɣref awniri deg umennuɣ-nnes i uzarug d amagdez yernu d aruwtil », ɣef wakken ay d-yenna ugensas n Ukabar Mgal Teẓrihrit, deg tinawt-nnes n urẓam n tdabut-a timdewweṛt, ass n uynas, yerni iwekked-d dakken aɣref awniri ala rrbeḥ ara yerbeḥ amennuɣ-nnes.

Seg yidis-nnes, yessummel-d ugensas n Tegrawt Tawamnit n Tniri Tutrimt, Aspenyuli Miguel Urban, adhal ay dehlent Tdukli Tuṛufit d Spenyul tamurt n Meṛṛuk ama s yidrimen, ama s yimrigen, yernu yesḥassef imi ammaken-a yesseqdac-iten unewdag ameṛṛuki i umḥaq n Yiwniriyen deg yigelluyen yettwawedgen d uḥettem n tesnareft-nnes fell-asen.

Deg wawal-nnes i lmend n waya, yenna-d umaslaḍ n Tesnetla Taɣelnawt n Terni n Polisario d-yelhan s Tuṛuft d Tdukli Tuṛufit, Oubi Bouchraya Al-Bachi, dakken « ayen ay iḍerrun deg yigelluyen iwniriyen yettwawedgen d tajrimt tummidt n uwdag aredsan yernu ur yemgerrad ara akk ɣef yiɣawasen ikelsaken ay llant ttḥettiment-ten-id teḍniwin timnukdanin deg yizri deg tehras-nsent i usdusu n uɣmar-nsent d usugu n tbuɣar n yiɣerfan yettwashersen ».

 

Last modified on Asimwas, 08 Yulyu 2022 14:45
Askasi ɣef umyenkaf n Tniri Tutrimt deg Strasbourg: Adhal meqqren i uɣref awniri
  Yeffeɣ-d ass n : Akras, 06 Yulyu 2022 11:45     Taggayt : AMAḌAL     Ɣran-t : 2 n tikkal   Bḍu