Ɣef leḥsab n Tnegga n Tɣemsa Tawnirit, twekked-d tiddukla-a, ass n usimwas, dakken adraw n teṛmisin tispenyuliyin deg unmager-a d « taḥeqranit tufḍiḥt n yiɣtasen n Tsenbert Tuṛufiot n Teɣdemt », yernu tger-d tiɣri i teṛmisin-a akken ad zerkent iɣtasen-a akked usaḍuf agraɣlan deg wayen yerzan tanaya n uɣref awniri ɣef yigelluyen-a d tbuɣar-nsen.

Tules twekked-d tiddukla-a tiɣri-nnes i Yiɣlanen Yeddukklen, Tadukli Tuṛufit d Tdukli Tafriqit akken ad ddment tamasit-nsent tazerfant d tnelɣit deg wayen yerzan aɣref awniri.

Twekked-d tiddukla-a dakken asugu n tbuɣar n uɣref awniri d yiwet kan seg tejrimin yeggten n uwdag ameṛṛuki yernu yella-d waya d unjug i wussisen n Yiɣlanen Yeddukklen i tukksa n usehres seg Tniri Tutrimt, ma d tiṛmisin ay iderwen deg waya yessefk ad ddment tamasit-nsent deg wayen yerzan tagnit-a.

Tagensest n Terni n Polisario deg Spenyul tessummel-d, ass n ukras, arramen n usmurer ay itteg unhil ameṛṛuki ay d-iɛerrḍen tiṛmisin d yirgazen n yiweẓla ispenyuliyen ɣer yigelluyen yettwawedgen n Tniri Tutrimt.