Menu principal

Menu principal

Tillumẓa Tawnirit: Timagliwin tiwerdaniyin mmirwen akken ad ssiwḍent izen n uɣref awniri

Yeffeɣ-d ass n : Aynas, 23 Mayu 2022 09:02   Ɣran-t : 4 n tikkal
Tillumẓa Tawnirit: Timagliwin tiwerdaniyin mmirwen akken ad ssiwḍent izen n uɣref awniri

BUJDUR (Igruren n yizrazaɣen iwniriyen) – Mmirwen yimedrawen deg Usarag Agraɣlan n Temsetlelt d Tillumẓa Tawnirit, ay d-yettgensisen kra n tuddsiwin tiwerdaniyin, ass n usamas deg Bujdur (Igruren n yizrazaɣen iwniriyen) akken ad ssiwḍen izen n uɣref awniri yernu ad d-sseknen lḥif aydeg yedder uɣref-a i yinmagren igraɣlanen.

Asarag-a, ay yettwassuddsen deg yijifeṛ n Usmanay Wis 10 n Tduli n Tillumẓa Tawnirit yernu d tin aydeg derwen 150 n yimedrawen iwerdaniyen, d tadyant aydeg d-ssummlent tmagliwin iderwen « irkaḍen ufḍiḥen » ay tgen yiduba ihersanen imeṛṛukiyen deg yigelluyen iwniriyen yettwawedgen mgal yiɣermanen iwniriyen ur yesɛin ayen ayyes ara mezɣen iman-nsen.

Salha Thouabta, yellan d agensas n tmagla tafalesṭinit, tetter-it Tnegga n Yisalan n Zzayer, yernu yessenfali-d, s yisem n tesfift n Ɣezza, tamsetlelt-nnes « taruwtilt d tmagdezt » d uɣref awniri d umennuɣ-nnes ɣef tlelli d uzarug.

Iwekked-d dakken netta « yemsetlal d yimeɣnasen iwniriyen deg yigelluyen yellan ddaw uwdag ameṛṛuki, yernu iɣallen ihersanen imeṛṛukiyen ttgen tijrimin mgal yimeɣnasen-a, rekkḍen-asen izerfan-nsen yernu ttabẓen-ten abbaẓ aramek ».

« Nefles s tidet s umennuɣ uzrif n uɣref awniri i lmend n temsalt-nnes tuɣdimt d tuzrift yernu nettwasseqneɛ dakken kra n wass, aɣref awniri ad d-yekkes tilelli d uzarug-nnes deg wakal-nnes », ɣef wakken ay d-iwekked ugensas-a afalesṭini am wakken ay d-iger tiɣri i umɣiwan agraɣlan akken ad yemmesten aɣref awniri yeddren deg yigelluyen ay tewdeg Meṛṛuk yernu ad yesmasi iduba imeṛṛukiyen ɣef tejrimin ay gan mgal yiɣermanen iwniriyen yellan war amzaɣ.

 

Last modified on Asinas, 24 Mayu 2022 12:49
Tillumẓa Tawnirit: Timagliwin tiwerdaniyin mmirwen akken ad ssiwḍent izen n uɣref awniri
  Yeffeɣ-d ass n : Aynas, 23 Mayu 2022 09:02     Taggayt : AMAḌAL     Ɣran-t : 4 n tikkal   Bḍu