Menu principal

Menu principal

Aselway awniri yenna-d dakken d Meṛṛuk ay d ssebba n tedyanin timihawin d-yettilin deg temnaḍt

Yeffeɣ-d ass n : Asimwas, 28 Yennayer 2022 14:04   Ɣran-t : 6 n tikkal
Aselway awniri yenna-d dakken d Meṛṛuk ay d ssebba n tedyanin timihawin d-yettilin deg temnaḍt

CCAHID LḤAFEḌ - Yenna-d uselway awniri, awnetlay amatu n Terni n Polisario, Brahim Ghali, ass n ukras, dakken d awanak anewdag n Meṛṛuk ay d ssebba n tedyanin timaglayin ay izemren ad swaɣent talwit d tɣellist deg temnaḍt.

Deg yinaw-nnes deg yiwet n temlilit n udiwan-nnes, yenna-d Mass Ghali dakken « awanak anewdag n Meṛṛuk d netta ay d ssebba n tedyanin timihawin ay yeggzen talwit, taɣellist d urkad deg temnaḍt, yernu yella-d waya ɣef lǧal n tsertiyin-nnes timeẓrernayin tizernanin gar-asent tin n uzeddi n temsisiyin taɛinanit d yiɣallen n umḥaq d usehres d usmemmi n wahilen yesɛan yir nneyya. Tamurt-a d tin ay idehlen timsisiyin d tegrawin n tejrimt yettwassuddsen d tegrawin tiremmaɣin », ɣef wakken ay d-tenna Tnegga n Tɣemsa Tawnirit (SPS).

I lmend n waya, iger-d uselway awniri tiɣri i Useqqamu n Tɣellist n Tuddsa  n Yiɣlanen Yeddukklen, « ladɣa idisan yettwassnen s umesten d usebɣes n uwanak ameṛṛuki akken ad ddmen timasiyin-nsen yernu ad mahlen i lmend n talwit d tɣellist deg umaḍal, am wakken ara mahlen akken ad sɛejlen tukksa n usehres seg tehrest taneggarut n Tefriqt », tamurt n Tniri Tutrimt.

Yuzen uwnetlay amatu n Terni n Polisario tabṛat i uɣref awniri, d tin aydeg ay t-id-yenced ad yemzeɣ « azref-nnes ur yettwankaṛen i tlelli d uzarug ».

Yeckeṛ-d daɣ aswir n « ugrigrew umnig gar ugman aslekman d ugman asiḍfan », am wakken ay d-iwekked ɣef tḍullit n tukci n wazal i termit n yilemẓiyen deg unrar-a d tarmit ay yefkan azal i tnafut taɣelnawt tanafellat ɣef llsas n umyessmad yernu deg ukatar n yiɣtasen n usmanay wis 15 n Terni n Polisario i usiweḍ ɣer tnaya n uwanak awniri ɣef wakk iḥricen n ugelluy-nnes aɣelnaw.

I lmend n waya, yules yeckeṛ-d uselway Ghali tanekra taɣerfant tameqqrant ay d-yellan i lmend n tuqqla ɣer tigawt tumrigt yernu yeckeṛ-d daɣ tabɣest n Tredsa Taɣerfant Tawnirit n Uslelli ɣef « uguccel-nnes deg unrar n tmanegt d userhu, war ma nettu timeɣnasin d yimeɣnasen am Sultana Khaya d twacult-nnes d wakk imkurma iɣarimen iwniriyen yellan deg tkurmutin timeṛṛukiyin, ɣef yiɣef-nsen imkurma n Gdeyyem Izik ».

 

Last modified on Asamas, 30 Yennayer 2022 13:04
Aselway awniri yenna-d dakken d Meṛṛuk ay d ssebba n tedyanin timihawin d-yettilin deg temnaḍt
  Yeffeɣ-d ass n : Asimwas, 28 Yennayer 2022 14:04     Taggayt : AMAḌAL     Ɣran-t : 6 n tikkal   Bḍu