Menu principal

Menu principal

Guterres iger-d tiɣri i uferry n umyenkaf n Tniri Tutrimt « i lebda »

Yeffeɣ-d ass n : Asamas, 23 Yennayer 2022 13:41   Ɣran-t : 18 n tikkal
Guterres iger-d tiɣri i uferry n umyenkaf n Tniri Tutrimt « i lebda »

NEW YORK (Iɣlanen Yeddukklen) – Iger-d tiɣri uwnetlay amatu n Tuddsa n Yiɣlanen Yeddukklen, Antonio Guterres, ass n usimwas i Meṛṛuk d Terni n Polisario akken « ad gen adiwenni » i uferru n umyenkaf deg Tniri Tutrimt « i lebda », ladɣa imi ay yesɛa acḥal n temrawin aya seg wasmi ay yebda.

« D akud akken idisan-a (ay yerza umyenkaf) ad gzun dakken yessefk ad gen adiwenni, ad d-nadin tifrat yernu ur ttɣimin ara deg ukala-a ur yettfakan war ma yella usirem i tifrat », ɣef wakken ay d-yenna uɣella n Tuddsa n Yiɣlanen Yeddukklen yernu bedrent-t-id kra n tneggiwin n tɣemsa.

« Sɛiɣ asirem akken akala asertan ad yennegmu tikkelt niḍen », ɣef wakken ay d-yerna, deg wakud aydeg amazun-nnes amaynu d-yelhan s ukaram-a, Staffan de Misteura, ifuk tuzzya-nnes tamezwarut ɣef temnaḍt.

Yerna-d Mass Guterres dakken « ugur-a yeqqim anect-a akk n temrawin deg temnaḍt n umaḍal aydeg d-ttilin wuguren n tɣellist d imaglayen mliḥ, anda nettwali taremɣa trennu tjehhed deg Ssaḥel yernu simal tettqerrid-d ɣer wafayen,  s waya, ugur n Tniri Tutrimt yessefk ad yefru i lebda yernu aya i lfayda n wakk idisan ay terza temsalt ».

Amazun udmawan n uwnetlay amatu n Tuddsa n Yiɣlanen Yeddukklen i Tniri Tutrimt, Staffan de Mistura, tuɣdaḍt-nnes tagejdant d asduqqes n ukala asertan deg Tniri Tutrimt. Ass n ukras ay ifuk tirzi-nnes tamezwarut ɣef temnaḍt yernu tella-d terzi-a s wallus n uwekked n Terni n Polisario i waddud-nnes i lmend n tifrat tasertant yersen ɣef tsefrant n uguccelman.

 

Last modified on Aynas, 24 Yennayer 2022 11:08
Guterres iger-d tiɣri i uferry n umyenkaf n Tniri Tutrimt « i lebda »
  Yeffeɣ-d ass n : Asamas, 23 Yennayer 2022 13:41     Taggayt : AMAḌAL     Ɣran-t : 18 n tikkal   Bḍu