Menu principal

Menu principal

De Mistura yetter ɣef tegnit tidettit n yizrazaɣen iwniriyen

Yeffeɣ-d ass n : Akwas, 20 Yennayer 2022 14:16   Ɣran-t : 15 n tikkal
De Mistura yetter ɣef tegnit tidettit n yizrazaɣen iwniriyen

ZZAYER TAMANEƔT – Tirzi n umazun udmawan n uwnetlay amatu n Tuddsa n Yiɣlanen Yeddukklen, Staffan de Mistura, ɣef yigruren n yizrazaɣen d tin ay d-ikecfen tazniwt takerkast n Meṛṛuk deg umɣiwan agraɣlan deg wayen yerzan tagnit n yizrazaɣen iwniriyen, ɣef wakken ay d-yenna El-Bachir Mustapha Essayed, yellan d amaslaḍ deg Tewnetla Taɣelnawt n Terni n Polisario yernu d aneɣlaf asemtar deg tselwit n Tegduda Taɛṛabt Tawnirit d Tmegdayt.

Tirzi ay iga umazun uzzig, gar 15 d 16 Yennayer yerzin, ɣef yigruren n yizrazaɣen d tin ay t-yeǧǧan ad yessefqed tagnit n tidet aydeg yedder uɣref awniri yernu yekcef-d tazniwt takerkast n Meṛṛuk deg umɣiwan agraɣlan, ɣef wakken ay d-yenna Mass El-Bachir Mustapha Essayed i Tnegga n Yisalan n Zzayer.

Iduba n uwdag ameṛṛuki yeffeɣ-iten leɛqel mi d-fkan « Yiwniriyen tugna d tumnigt ay d-yettwekkiden taẓralwit-nsen d tuṭṭfa-nsen deg tlelli », ɣef wakken ay d-yenna.

Amazun aɣelduklan yenna-d dakken « ula ma yella umgaru, Iwniriyen qqimen d umnigen yernu ṭṭfen deg uzref-nsen ur yettwankaṛen n uguccelman d uzarug, azeddi n uwanak-nsen d usuɣal n tnaya-nsen ɣef wakk agelluy-nsen aɣelnaw », ɣef wakken ay d-yerna Mass El-Bachir Mustapha Essayed.

Izen-a yesskanay-d s tidet uddir n yizrazaɣen yernu « yerwi-asen leḥsabat i yiduba imeẓrernayen n uwdag am wakken ay yessedrem tazniwt d tkerkas-nsen », ɣef wakken ay d-iwekked umasay-a awniri. « Nnig tmussni n wudem-a umnig, tirzi-a tettɣimi-d d tarummidt skud ur yerzi ara ɣef Tniri Tutrimt akken ad iẓer tilawt aydeg yedder uɣref awniri deg temdinin yettwawedgen, d win yeddren deg uftutes, takriḍt d uskuru, akked yigelluyen yettwaslellin ur yesliken ara seg uwdag ameṛṛuki imi Meṛṛuk tettarem ad tessenger din Iwniriyen akken ay tga i wid yeddren deg yigelluyen yettwawedgen », ɣef wakken ay d-yenna umaslaḍ-a n tewnetla taɣiwant n Terni n Polisario.

 

Last modified on Asamas, 23 Yennayer 2022 13:44
De Mistura yetter ɣef tegnit tidettit n yizrazaɣen iwniriyen
  Yeffeɣ-d ass n : Akwas, 20 Yennayer 2022 14:16     Taggayt : AMAḌAL     Ɣran-t : 15 n tikkal   Bḍu