Menu principal

Menu principal

Iweddiben n Umɣiwan n Yiwanaken n Tefriqt n Utaram: Bamako teɣra-d i yinmazalen-nnes

Yeffeɣ-d ass n : Asinas, 11 Yennayer 2022 10:35   Ɣran-t : 14 n tikkal
Iweddiben n Umɣiwan n Yiwanaken n Tefriqt n Utaram: Bamako teɣra-d i yinmazalen-nnes

ACCRA – Ɣetsen yimḍebbren n Umɣiwan Adamsan n Yiwanaken n Tefriqt n Utaram, yemlalen deg Accra ass n usamas, ad medlen tilisa-nsen d Mali yernu ad d-ḥettmen tifergi ɣef tmurt-a akken ad tt-weddben ɣef tagayt ay tugi tegrawt taresdant yeṭṭfen adabu deg Bamako ad tessuddes tifranin deg Fuṛaṛ i ufran n yiɣarimen ɣer udabu.

Iɣellaten n uwanak d unabaḍ n Umɣiwan Adamsan n Yiwanaken n Tefriqt n Utaram gan timlilit d tumdilt deg tmaneɣt taghanit yernu ɣetsen ad medlen tilisa-nsen d Mali deg ukatar n tuddsa-a tadumnaḍant yernu ɣetsen daɣ ad ssiglen imsenfalen n yifarisen n usra amenzu d Mali, ɣef wakken ay d-yenna yiwen n ulɣu ay d-yeffɣen deffir ma tfuk tqacuct-a.

Ɣetsen daɣ yimḍebbren-a ad sbedden tallalt tadrimant ay ttakfen i Mali yernu ad gersen ayla n Mali deg Tbanka Talemmast n Yiwanaken n Tefriqt n Utaram. Iwanaken-a ɣetsen daɣ ad d-ɣren i yinmazalen-nsen yellan deg Mali anda ay d-llant snat tuttyiwin tiredsanin deg 2020 yernu tella-d daɣ deg-s tezɣent taɣellisant d talqayant.

Imḍebbren-a n Umɣiwan Adamsan n Yiwanaken n Tefriqt n Utaram kemmlen deg ubrid n tqacuct n Tdukli Tadamsant d Tedrimant n Tefriqt n Utaram ay d-yellan uqbel tqacuct-nsen yernu yenna-d yiwen seg yimedrawen deg tqacuct-a dakken iweddiben ay d-yettwaḥettmen ɣef Mali d « iqessḥanen aṭas ».

Ma d iduba imaliyen xebbren-d, ass n uynas, dakken ɣran-d i yinmazalen-nsen deg tmura-a yernu temdel ula d nettat tilisa-nnes tikalanin d tgennanin yid-sent, ɣef wakken ay d-yenna yiwen n ulɣu n unabaḍ amali.

 

Last modified on Akras, 12 Yennayer 2022 11:26
Iweddiben n Umɣiwan n Yiwanaken n Tefriqt n Utaram: Bamako teɣra-d i yinmazalen-nnes
  Yeffeɣ-d ass n : Asinas, 11 Yennayer 2022 10:35     Taggayt : AMAḌAL     Ɣran-t : 14 n tikkal   Bḍu