Menu principal

Menu principal

Ass n Umeɣrus Afalesṭini: Tiɣri seg Zzayer i usdukkel n yidurra n Yifalesṭiniyen

Yeffeɣ-d ass n : Akwas, 06 Yennayer 2022 11:39   Ɣran-t : 12 n tikkal
Ass n Umeɣrus Afalesṭini: Tiɣri seg Zzayer i usdukkel n yidurra n Yifalesṭiniyen

ZZAYER TAMANEƔT – Mtawan yigensasen n tɣasalin tifalesṭiniyin yemgerraden, ass n ukras deg Zzayer Tamaneɣt, dakken abrid ayiwnan ay sɛan akken ad qablen ayun aṣehyuni netta d tadukli deg wahil yemmden d usenfar n umennuɣ yeddukklen yernu ad d-yili waya d tiririt i teɣri i d-iger uselway Abdelmadjid Tebboune, ɣef wakken ay d-bedren deg yiwen n ulɣu ay d-yeffɣen mi derwen deg Unmager n El Moudjahid.

Asemtar n tmahelt n Falesṭin deg Zzayer Tamaneɣt d-yelhan s teɣwalt, Haitham Amairi, yeckeṛ-d aneɛruḍ ay d-yeɛreḍ uselway Tebboune tiɣasalin tifalesṭiniyin akken « ad tettwassekyed tegnit-nneɣ yernu ad yettwajbeṛ yiɣisi yellan » gar Yifalesṭiniyen, am wakken ay d-iwekked dakken « aɣref afalesṭini yeddukkel, maca tiɣasalin tifalesṭiniyin sɛant tismektayin d wahilen yemgerraden, yernu tamehla tafalesṭinit tettmahal, seg 2007, akken ad tefru imyenkafen igensiyen. Ass-a, ad d-greɣ tiɣri i tɣasalin tifalesṭiniyin akken ad ddukklent deg ukatar n wahil yemmden, yeddukklen ».

Seg yidis-nnes, yenna-d ugensas n tnarit n Umussu n Ḥamas deg Zzayer, Mohamed Othmane, dakken « tettwarẓem tewwurt s tidet i tɣasalin tifalesṭiniyin akken ad dehlent azbu afalesṭini s uneɛruḍ n uselway azzayri Abdelmadjid Tebboune akken ad d-tili temlilit deg Zzayer i usdukkel n waddud afalesṭini ».

Dima deg temsalt-a, yeckeṛ-d ugensas n Terni Taɣerfant n Uslelli n Falesṭin, Mohamed Hemami, aneɛruḍ n uselway azzayri yernu iger-d tiɣri i usdukkel n yidurra n Yifalesṭiniyen deg tegnit taweɛɛṛant ayɣef tettekk temsalt tafalesṭinit.

Taselwayt n Tuddsa n Yimkurma d Yimagusen, tameɣnast Intissar Al-Wazir (d taǧǧalt n umeɣrus Abu Jihad) tuzen-d izen i lmend n Wass n Umeɣrus Afalesṭini (7 Yennayer), d win aydeg ay d-teckeṛ addud imezgi n Zzayer deg wayen yerzan tamsalt tafalesṭinit. 

Last modified on Asimwas, 07 Yennayer 2022 13:40
Ass n Umeɣrus Afalesṭini: Tiɣri seg Zzayer i usdukkel n yidurra n Yifalesṭiniyen
  Yeffeɣ-d ass n : Akwas, 06 Yennayer 2022 11:39     Taggayt : AMAḌAL     Ɣran-t : 12 n tikkal   Bḍu