Menu principal

Menu principal

Polisario tger-d tiɣri i yilemẓiyen n umaḍal akken ad sjehden adhal-nsen i temsalt tawnirit

Yeffeɣ-d ass n : Asamas, 28 Wamber 2021 10:19   Ɣran-t : 0 n tikkal
Polisario tger-d tiɣri i yilemẓiyen n umaḍal akken ad sjehden adhal-nsen i temsalt tawnirit

MADRID – Iger-d tiɣri ugensas n Terni n Polisario deg Tuṛuft d Tdukli Tuṛufit, Oubbi Bouchraya Bachir, i yilemẓiyen n umaḍal akken ma llan akken ad ssuggten ussisen i udhal n uɣref awniri akken ad d-yawi azref-nnes n uguccelman d uzarug, am wakken ay d-iger tiɣri i umɣiwan agraɣlan akken ad yeddem tamasit-nnes deg wayen yerzan tukksa n usehres seg tehrest taneggarut deg Tefriqt.

Amasay awniri yenna-d awal-nnes ass n usimwas, i lmend n teẓrigt tis snat n Unmager Anmaḍal n Tillumẓa i Temsetlelt d Tniri Tutrimt ay d-yellan deg Malaga, deg Spenyul, s udraw n 150 n yimdanen d-yettgensisen ugar n 90 n tuddsiwin n yilemẓiyen, gar-asent 10 n tfidiṛaliyin tigraɣlanin d yigenasasen n tuddsiwin tigraɣlanin.
Deg tinawt-nnes n urẓam, yesḥassef Oubbi Bouchraya Bachir imi Tuddsa n Yiɣlanen Yeddukklen d umɣiwan agraɣlan ur ddimen ara timasiyin-nsen akken ad faken akala n tukksa n usehres deg ukatar n umtawa ay zemlent Terni n Polisario d Meṛṛuk ddaw leɛnaya n Yiɣlanen Yeddukklen d Tdukli Tafriqit.

Seg yidis niḍen, yenna-d udiplumati-a dakken anmager-a d azamul yesɛan azal yernu d ayen ay d-yesskanayen dakken tillumẓa, deg Spenyul –yellan d tamasayt deg lḥif yeṛwa uɣref awniri- tuki s tuccḍa ay tga tmurt-nsen.

Yenna-d daɣ Oubbi Bouchraya Bachir dakken tamnaḍt n Tefriqt n Ugafa, s umata, d Tniri Tutrimt s wulmis, yettili-d deg-sent unfal yernu ttqabalent icqirrwen d imeqqranen ɣef lǧal n tigawt tarmasayt n Tgelda n Meṛṛuk ay yessawḍen ɣer tuqqla n umgaru deg Tniri Tutrimt d ubeḍḍu n wassaɣen idiplumatiyen d Zzayer, yernu yessaweḍ daɣ waya ɣer umyenkaf d urẓim d Spenyul d uxṣar n wassaɣen d Muriṭanya d tmura niḍen n temnaḍt.

 

Last modified on Akwas, 09 Dujembeṛ 2021 14:51
Polisario tger-d tiɣri i yilemẓiyen n umaḍal akken ad sjehden adhal-nsen i temsalt tawnirit
  Yeffeɣ-d ass n : Asamas, 28 Wamber 2021 10:19     Taggayt : AMAḌAL     Ɣran-t : 0 n tikkal   Bḍu