Menu principal

Menu principal

Lamamra iger-d tiɣri i usmeɣẓen n teɣbula tidrimanin n Tdukli Tafriqit

Yeffeɣ-d ass n : Asimwas, 15 Tubeṛ 2021 11:40   Ɣran-t : 2 n tikkal
Lamamra iger-d tiɣri i usmeɣẓen n teɣbula tidrimanin n Tdukli Tafriqit

ADDIS ABEBA – Iger-d tiɣri uneɣlaf n yiweẓla iwerdaniyen, Ramtane Lamamra, ass n ukwas deg Addis Abeba, i usmeɣẓen n teɣbula tidrimanin n Tdukli Tafriqit akken ur tettagel ara ɣer tallalt n yineblagen igraɣlanen.

« Adraw n Zzayer deg tedwilt tis 39 n useqqamu aslekman n Tdukli Tafriqit ay yebdan tanezzayt-a iswi-nnes d asdiwenni ɣef usenfar n umarud », ɣef wakken ay d-yura Mass Lamamra deg umiḍan-nnes n Twitter.

I lmend n waya, « nwekked-d ɣef tḍullit n usmeɣẓen n useqdec n teɣbula tidrimanin tigensiyin akken ur d-tettili ara tagelt meqqren ɣer yineblagen igraɣlanen », ɣef wakken ay d-yerna.

Tadwilt tis 39 n useqqamu aslekman n Tdukli Tafriqit tebda ass n ukwas deg Addis Abeba. Gar yisenfal aɣef ara d-awin awal, ad yili useḍru n Tesmektayt n 2063 d yiglan n usejhed n unmireg gar tmura n umenẓaw deg wayen yerzan takaɣreft n unfafad bu tedri.

Tadwilt-a d tin daɣ ara yeskeyden timsal yeqqnen ɣer tigawt tafriqit tucrikt d wammaken ara d-yettwaheyyin i lmend n waya am umni afriqi. Ad fernent daɣ tmura timaslaḍin n Tdukli Tafriqit sin n yinesmilen n tdukli.

 

Last modified on Asamas, 17 Tubeṛ 2021 15:47
Lamamra iger-d tiɣri i usmeɣẓen n teɣbula tidrimanin n Tdukli Tafriqit
  Yeffeɣ-d ass n : Asimwas, 15 Tubeṛ 2021 11:40     Taggayt : AMAḌAL     Ɣran-t : 2 n tikkal   Bḍu