Menu principal

Menu principal

Pegasus: Meṛṛuk ɣer-s timrawin n yiseggasen aya seg wasmi ay trekkeḍ asaḍuf agraɣlan

Yeffeɣ-d ass n : Asamas, 01 Ɣuct 2021 13:05   Ɣran-t : 2 n tikkal
Pegasus: Meṛṛuk ɣer-s timrawin n yiseggasen aya seg wasmi ay trekkeḍ asaḍuf agraɣlan

PARIS – Iwekked-d uneɣlaf awniri n yiweẓla iwerdaniyen, Mohamed Salem Ould Salek, dakken adraw n Meṛṛuk deg tefḍiḥt n useɣẓan n usmayed n « Pegasus » ur yessewhem ara tamehla tawnirit yernu yenna-d dakken Rrbaṭ ɣer-s timrawin n yiseggasen aya seg wasmi ay trekkeḍ asaḍuf agraɣlan.

« Asmayed d tajrimt mgal unabaḍ awniri. Ɣer Terni n Polisario, asmayed d yiwen seg wudmawen n umgaru ay d-tebda Meṛṛuk mgal tmurt-nneɣ deg 1975 », ɣef wakken ay d-iwekked Mass Ould Salek yiwet n tdiwennit d tesɣunt tafṛansit n Marianne.

« Pegasus yessenker-d tayyugt n wurfan deg umaḍal, maca nekkni ur newhim ara. D timrawin n yiseggasen aya seg wasmi ay trekkeḍ Meṛṛuk asaḍuf agraɣlan. Pegasus d idis kan aleqqaq n uwdag ay yettɛeddin fell-aneɣ », ɣef wakken ay d-iwekked uɣella n tdiplumatit tawnirit.

Mass Ould Salek yerna-d dakken ula d wid « ay idehlen anhil ameṛṛuki deg temsekselt-nnes taredsant tamihawt –ladɣa Fṛansa d Spenyul- smayaden-ten ». « Ass-a, Meṛṛuk tettcikki deg wakk idisan: deg yinaragen-nnes, deg yimsisan-nnes yernu ula deg yimidiwen-nnes ay iqebren, d iseggasen aya, Aseqqamu n Tɣellist n Yiɣlanen Yeddukklen deg umahil-nnes akken ad yessuddes tasefrant n uguccelman i uɣref n Tniri Tutrimt », ɣef wakken ay d-yenna.

« Ula ma kkan kumraw semmus n yiseggasen, tanaya n Meṛṛuk ɣef Tniri Tutrimt ur yesteɛṛef yes-s umɣiwan agraɣlan wala Tadukli Tuṛufit, wala Tadukli Tafriqit », ɣef wakken ay d-yesmekti uneɣlaf-a awniri ay d-yernan dakken « Tasenbert n Teɣdemt Tagraɣlant tessuffeɣ-d, deg 1975, tannayt aydeg ay tukez dakken tamurt-nneɣ, uqbel ma tessehres-itt Spenyul, ur telli ara akk tesɛa assaɣ n tnaya akked Meṛṛuk yernu Tasenbert Tuṛufit n Teɣdemt tesmekti-d s waya deg 2018 ».

 

Pegasus: Meṛṛuk ɣer-s timrawin n yiseggasen aya seg wasmi ay trekkeḍ asaḍuf agraɣlan
  Yeffeɣ-d ass n : Asamas, 01 Ɣuct 2021 13:05     Taggayt : AMAḌAL     Ɣran-t : 2 n tikkal   Bḍu