Menu principal

Menu principal

Iglan n usejhed n wassaɣen gar Zzayer d Maṣer

Yeffeɣ-d ass n : Asamas, 01 Ɣuct 2021 11:46   Ɣran-t : 0 n tikkal
Iglan n usejhed n wassaɣen gar Zzayer d Maṣer

LQAHIRA – Iga uneɣlaf n yiweẓla iwerdaniyen d umɣiwan aɣelnaw deg uzɣar, Mass Ramtane Lamamra, ass n usiḍyas deg Lqahira, tiɣimit n umahil d umtil-nnes amaṣri, Mass Sameh Shoukry, d tin aydeg sin-a n yimasayen ssukken-d tiṭ ɣef wassaɣen imezruyanen n tegmat d unmireg yellan gar snat-a n tmura d yiglan n usejhed-nsen.

Yewweḍ uɣella n tdiplumatit tazzayrit ass n usiḍyas tameddit ɣer Lqahira deg ukatar n terzi n umahil s yisem-nnes d amazun uzzig n uselway n tegduda, Mass Abdelmadjid Tebboune.

Sin-a n yimasayen ssenfalin-d adwat-nsen deg wayen yerzan taɣara n wassaɣen isertanen gar snat-a n tmura yernu mtawan ɣef usejhed n umciweṛ asindisan ɣef temsalt n nnfeɛ ucrik, am wakken ay mtawan, daɣ, ɣef usduqqes n Tesmilt Turtikt Tazzayrit-Tamaṣrit i lmend n usmal n unmireg deg tdamsa.

Seg yidis niḍen, ssawlen sin-a n yineɣlafen ɣef tedyanin tineggura ay d-yellan deg Lmeɣreb, tallut n Ssaḥel d Tniri d Yiccew n Tefriqt.

Ulsen wekkden-d amuqqen-nsen ucrik i lmend  n uferru amelwi asertan n tezɣan d yimyenkafen iḥuzan arkad deg wasunen-a yernu msegzan ad myallen hullan, ula deg yinmugar igraɣlanen d yimnaḍanen, akken ad ḍemnen rrbeḥ n wussisen-nsen i lmend n waya.

 

 

Iglan n usejhed n wassaɣen gar Zzayer d Maṣer
  Yeffeɣ-d ass n : Asamas, 01 Ɣuct 2021 11:46     Taggayt : AMAḌAL     Ɣran-t : 0 n tikkal   Bḍu