Menu principal

Menu principal

Washington tedhel akala n uferru n umyenkaf deg Tniri Tutrimt ddaw tmehla n Yiɣlanen Yeddukklen

Yeffeɣ-d ass n : Akras, 28 Yulyu 2021 10:16   Ɣran-t : 1 n tikkal
Washington tedhel akala n uferru n umyenkaf deg Tniri Tutrimt ddaw tmehla n Yiɣlanen Yeddukklen

ZZAYER TAMANEƔT – Iwanaken Yeddukklen dehlen akata asertan ddaw tmehla n Yiɣlanen Yeddukklen i uferru n umyenkaf n Tniri Tutrimt, ɣef wakken ay d-yenna umalal n uwnetlay n uwanak amarikani n temsal n Ugmuḍ Amadus, Joey Hood, ay d-yegren tiɣri i usummed n umazun amaynu n Yiɣlanen Yeddukklen i ugelluy-a ur ilin tafulmant.

« Addud-nneɣ d afraray. Neɣs ad nẓer akala ddaw tmehla n Tuddsa n Yiɣlanen Yeddukklen, d win ara yessiwḍen ɣer umtawa ara qeblen akk yidisan ay terza temsalt yernu d win ara yessiwḍen ɣer talwit d urkad. D ta ay d taɣawsa tamuyaft akk i temnaḍt-a yernu d nettat ay d tamyadast umi ara nefk akud, taẓwert d wussisen », ɣef wakken ay d-yenna Joey Hood deg yiwet n tdiwennit d Tnegga n Yisalan n Zzayer.

« Neɣs ad d-iban yisem n umazun udmawan n uwnetlay amatu n Yiɣlanen Yeddukklen melmi ay yella wamek » yernu ad t-nalel (amazun-nni) akken ad yebdu amahil war leɛḍil s udhal-nneɣ d win n yineblagen d yimsisan-nneɣ, gar-asen Zzayer », ɣef wakken ay d-yerna udiplumati-a amarikani ay igan tirzi n umahil ɣef Zzayer gar 25 d 26 Yulyu.

Deg Yunyu yezrin, yebder-d ugezdu amarikani n uwanak asenfel deg temyadast-nnes ddaw tselwit n Biden deg wayen yerzan tamsalt tawnirit.

« Ur sɛiɣ kra n yisali ara d-fkeɣ, taswiɛt-a, deg wayen yerzan aya, maca ttwaliɣ dakken ma temmuqqlem ɣer Tniri Tutrimt d temnaḍt s umata deg ukatar n yimtawayen n Bṛahim, ad nwali dakken tenfel cwiṭ temyadast », ɣef wakken ay d-yenna umutlay n ugezdu n uwanak amarikani, Ned Price, mi d-yessemɛen ɣef wakaz ay yukez uselway aqbur Trump s « tnaya » tameṛṛukit ɣef ugelluy awniri yettwawedgen.

Deg Meɣres, iger-d tiɣri uɣella n tdiplumatit tamarikanit, Antony Blinken, i uwnetlay amatu n Tuddsa n Yiɣlanen Yeddukklen, Antonio Guterres akken ad yesseɛjel asummed n umazul udmawan i Tniri Tutrimt, am wakken ay d-iwekked adhal n Yiwanaken Yeddukklen i ukala n yistagen isertanen gar Meṛṛuk d Terni n Polisario ddaw leɛnaya n Tuddsa n Yiɣlanen Yeddukklen.

 

Last modified on Asamas, 01 Ɣuct 2021 13:06
Washington tedhel akala n uferru n umyenkaf deg Tniri Tutrimt ddaw tmehla n Yiɣlanen Yeddukklen
  Yeffeɣ-d ass n : Akras, 28 Yulyu 2021 10:16     Taggayt : AMAḌAL     Ɣran-t : 1 n tikkal   Bḍu