Menu principal

Menu principal

Igensasen yellan deg tyakiwin tigerqusisanin: Tanarit tafidiṛalit ad tt-id-tefru ass n 29 Yulyu

Yeffeɣ-d ass n : Asamas, 25 Yulyu 2021 11:24   Ɣran-t : 1 n tikkal
Igensasen yellan deg tyakiwin tigerqusisanin: Tanarit tafidiṛalit ad tt-id-tefru ass n 29 Yulyu

ZZAYER TAMANEƔT – Ad teg tnarit taslekmant n Tfidiṛalit Tazzayrit n Tcirḍart timlilit ass n ukwas ɣef tis 10:00 akken ad tessiwel ɣef temsalt taweɛṛant yerzan igensasen izzayriyen yellan deg Temɣunt n Yilɣuɣen d Teqbuct n Tkunfidiṛalit ara iderwen deg tesɣart ara d-yilin, « ma aṭas », ass n 15 Ɣuct uqbel ma tfuk telɣuɣa ara d-yilin deg yimalas wis kraḍ n Ɣuct.

« D tidet tewɛeṛ tegnit deg wakud aydeg mazal 6 n wussan n wurar deg telɣuɣa. Nxemmem ɣef mennaw n tseɣɣarin i ufran n yiqusisen iderwen deg tyakiwin tigerqusisanin, maca, deg tgara, ad d-naf tifratin. Ad d-yili uskasi ɣef temsalt-a deg temlilit ay d-itteddun n tnarit tafidiṛalit », ɣef wakken ay d-yenna Yacine Benhamza, anmazul n uselway n Tfidiṛalit Tazzayrit n Tcirḍart yernu d amasay n Tesmilt n Tcirḍart Tamsadurt, ass n usimwas deg ṛṛadyu taɣelnawt.

Taseqqimt taslekmant n Tkunfidiṛalit Tafriqit n Tcirḍart tenna-d, ass n uynas yezrin, dakken tasɣart n tuzzyiwin tinezwar n tyakiwin tigerqusisanin n tsemhuyt n 2021-2022 ad d-tili, « ma aṭas », ass n 15 Ɣuct, ma d tiyakiwin ad bdunt ass n 10 Ctembeṛ.

Deg telɣuɣa, Amsegzu Addalan n Sḍif teggez-itt s tidet Tillumẓa Taddalant n Belouizdad, d acu kan, teqqim-as-d yiwet n temlilit ay tettwalas mgal Tillumẓa Taddalant n Tmurt n Leqbayel. Taɣlamt n Yikanaṛiyen tezmer ad tbeddel krayellan, ula d nettat, imi ay mazal tettwalas kuẓet n temliliyin yernu mer ad tent-terbeḥ akk, tezmer ad tali ɣer udeg amezwaru ɣer yidis n Umsegzu Addalan n Sḍif.

Menɣir tamsalt n yigensasen izzayriyen deg tyakiwin tifriqiyin, tanarit tafidiṛalit yessefk ad tt-id-tefru daɣ ɣef wamek ara d-tili tyaka deg tsemhuyt ay d-itteddun. Sin n yisumren ay d-yettunefken i tnarit tafidiṛalit: talɣuɣa takelsakt s 18 n yiqusisen d 34 n wussan n wurar d teswast ɣezzifen ugar aydeg ara d-yefruri ulɣu seg snat n tegrawin n 9 n yiqusisen.

 

Last modified on Akras, 28 Yulyu 2021 10:26
Igensasen yellan deg tyakiwin tigerqusisanin: Tanarit tafidiṛalit ad tt-id-tefru ass n 29 Yulyu
  Yeffeɣ-d ass n : Asamas, 25 Yulyu 2021 11:24     Taggayt : ADDAL     Ɣran-t : 1 n tikkal   Bḍu