Menu principal

Menu principal

Falesṭin: Asiẓer agraɣlan n yitɛeddiyen imeẓririyen d yimeẓriɣfen isṛayiliyen

Yeffeɣ-d ass n : Aynas, 10 Mayu 2021 10:23   Ɣran-t : 1 n tikkal
Falesṭin: Asiẓer agraɣlan n yitɛeddiyen imeẓririyen d yimeẓriɣfen isṛayiliyen

LEZZAYER TAMANEƔT – Ikemmel umɣiwan agraɣlan asiẓer-nnes d usenfali n « uɣilef-nnes alqayan » mgal tmerniwt n ccwal d tekriḍt deg Lquds yettwawedgen d yigmamen ay d-yezzin fell-as deffir yinṭagen iṣehyuniyen ay d-yellan mgal Tmesgida n Laqṣa d yigmamen ifalesṭinuiyen n temdint-a s urkaḍ ufḍiḥ n tneɣtusin n tissuḍeft tagraɣlant.

Tejreḥ temsulta n uwdag isṛayili, ma drus, mraw n yimẓulla ifalesṭiniyen mi tenṭeg fell-asen ɣef Tmesgida n Laqṣa. Azal n 100.000 n yimẓulla ay yeẓẓullen tiẓilla n « Yiḍ n Lqedr » deg Tmesgida n Laqṣa ula ma iɣallen isṛayiliyen n uwdag gan akk ayen umi zemren akken ur ten-ttaǧǧan ara.

Ass n usimwas, mennaw n Yifalesṭiniyen ay tejreḥ temsulta tisṛayilit n uwdag, amur ameqqran seg-sen deg Umṛaḥ n Tmesgidiwin, deg Lquds Tagmuḍant aydeg d-neṭgen, acḥal d tikkelt, Yisṛayiliyen ɣef Yifalesṭiniyen.

D timrawin n yigiman n yimẓulla ay d-yemsegrawen deg Umṛaḥ n Tmesgidiwin i tẓallit n usimwas yezrin yellan d asimwas aneggaru n wayyur-a n Remḍan.

Tamsulta tisṛayilin n uwdag tesseqdec tileffuɣin tiseɛẓagin yernu qersen tigariyin n ukawaču mgal yinmeskanen ifalesṭiniyen.

 

 

Last modified on Asiḍyas, 15 Mayu 2021 16:25
Falesṭin: Asiẓer agraɣlan n yitɛeddiyen imeẓririyen d yimeẓriɣfen isṛayiliyen
  Yeffeɣ-d ass n : Aynas, 10 Mayu 2021 10:23     Taggayt : AMAḌAL     Ɣran-t : 1 n tikkal   Bḍu