Menu principal

Menu principal

Tirni n Polisario: Meṛṛuk tesfata akk ussisen n tebdammast n yimazunen n Yiɣlanen Yeddukklen

Yeffeɣ-d ass n : Asamas, 18 Yebrir 2021 08:56   Ɣran-t : 198 n tikkal
Tirni n Polisario: Meṛṛuk tesfata akk ussisen n tebdammast n yimazunen n Yiɣlanen Yeddukklen

 

NEW YORK (Iɣlanen Yeddukklen) – Tules twekked-d tgensest n Terni n Polisario deg Yiɣlanen Yeddukklen, ass n usimwas, dakken d Meṛṛuk ay d-yellan d unjug deg usummed n umazun amaynu n Tuddsa n Yiɣlanen Yeddukklen i Tniri Tutrimt, yernu d nettat daɣ ay ireglen abrid i tuɣdaḍin n wakk imazunen iɣelduklanen iqburen akken ad yeqqim ukamar awniri akken yella imir-a.

« Kuẓ n yimazunen udmawanen d 15 n yigensasen uzzigen n uwnetlay amatu n Yiɣlanen Yeddukklen ay iderwen deg takkayin yemgerraden n ukala n talwit n Yiɣlanen Yeddukklen deg Tniri Tutrimt. D acu kan, Meṛṛuk tessaweḍ, war ma tettwazzem, akken ad tergel abrid i wussisen-a n tebdammast s usbeɛweq d urgal n ubrid s tmeɛmada », ɣef wakken ay d-twekked Terni n Polisario deg yiwen n ulɣu ay d-yeffɣen deg New York.

Tirni n Polisario tenna-d aya d tasedmirt i telɣa tikerkasin ay sseddan kra n yimidyaten ay d-ibedren tanegga n tɣemsa n AFP ay d-yennan dakken « d Tirni n Polisario ay yugin timmazwert n yiwen n Upuṛtugali ay d-yessumer uwnetlay amatu n Tuddsa n Yiɣlanen Yeddukklen, Antonio Guterres, akken ad yeqqel d amazun amaynu i Tniri Tutrimt ».

I lmend n waya, tseddi-d Terni n Polisario dakken « d Meṛṛuk ay yesfatan ussisen n tebdammast n uwnetlay n uwanak amarikani aqbur James Baker, ay d-yettwassummden d amazun udmawan amezwaru n uwnetlay amatu n Tuddsa n Yiɣlanen Yeddukklen i Tniri Tutrimt deg Meɣres n 1997, yernu d aya ay t-yessawḍen ɣer utixer-nnes deg Yunyu n 2004 ».

D ta daɣ ay d tiddit ay teḍfer Meṛṛuk d unmahal amarikani Christopher Ross ay d-yettwassummden d amazun uzzig i Tniri Tutrimt deg Yennayer n 2009.

Nnig waya, asmi ay d-yettwassummed uselway almani aqbur, Horst Kohler, deg Ɣuct n 2017, d amazun n Tuddsa n Yiɣlanen Yeddukklen i Tniri Tutrimt, 6 n yiseggasen deffir ubrir n yistagen usriden gar Terni n Polisario d Meṛṛuk, Tagelda n Meṛṛuk tergel-as akk ibriden yernu d aya ay t-yeǧǧan ad tettixer deg Mayu n 2019, ɣef wakken ay d-yerna.

 

 

Last modified on Asamas, 02 Mayu 2021 14:01
Tirni n Polisario: Meṛṛuk tesfata akk ussisen n tebdammast n yimazunen n Yiɣlanen Yeddukklen
  Yeffeɣ-d ass n : Asamas, 18 Yebrir 2021 08:56     Taggayt : AMAḌAL     Ɣran-t : 198 n tikkal   Bḍu