Menu principal

Menu principal

Lezzayer ad tkemmel ad tmahel i lmend n tukksa tamakkit n yimrigen n usedrem amakki

Yeffeɣ-d ass n : Asinas, 13 Yebrir 2021 11:22   Ɣran-t : 51 n tikkal
Lezzayer ad tkemmel ad tmahel i lmend n tukksa tamakkit n yimrigen n usedrem amakki

LEZZAYER TAMANEƔT – Lezzayer « ad tkemmel ad tmahel, s wakk tisemsedda yellan, i lmend n tukksa tummidt n yimrigen n usedrem amakki », ɣef wakken ay d-yenna, ass n uynas, uneɣlaf n yiweẓla iwerdaniyen, Sabri Boukadoum.

Mass Boukadoum, ay iderwen, s usarag n teẓrit, deg yiwet n temlilit i lmend n umulli wis 25 n umyeḍwal n « Pelindaba » i lmend n useɣnew n wasun zeddigen seg yimrigen iɣwawanen deg Tefriqt, iger-d tiɣri i uzraɛ n termit-a i temnaḍin niḍen n umaḍal, ladɣa deg Ugmuḍ Alemmas.

« Amyeḍwal n Pelindaba yezmel-it umur ameqqran seg tmura tifriqiyin yernu d aya ay d-yesskanayen anmeqqen-nsen i lmend n wussis-a agraɣlan ay d-yellan mgal yimrigen iɣwawanen », ɣef wakken ay d-yenna, am wakken ay d-yesmekti dakken « Lezzayer tella-d gar tmura timezwura ay izemlen amyeḍwal-a yernu tedrew deg uzeddi n Tesmilt Tafriqit n Teẓwert Tabelkimant ».

Iḥettet-d Mass Boukadoum ɣef tixxutert n usebded n uzraɛ n yimrigen iɣwawanen yernu yesmekti-d dakken Lezzayer « tenḍerr aṭas seg warramen iɣwawanen ay iga udabu ahersan deg ugelluy-nnes ». Arramen-a nɣan yernu ǧǧan-d ccama deg « yigiman n Yizzayriyen », am wakken ay d-yegla waya s yisemda n diri ɣef twennaḍt. Yerna-d daɣ, deg temsalt-a, dakken tamsalt n uɣram n yidrimen i wid yenḍerren seg waya yessefk ad tefru s tmaglit.

Seg yidis niḍen, yenna-d uɣella n tdiplumatit tazzayrit dakken Amyeḍwal n Ugdal n Yimrigen Iɣwawanen, ay sɛeddant 51 n tmura yernu yebda yettwasnas deg Yennayer yezrin d allal ara d-yefken tifratin iwatan deg wayen yerzan uguren n useqdec n yimrigen iɣwawanen.

 

Lezzayer ad tkemmel ad tmahel i lmend n tukksa tamakkit n yimrigen n usedrem amakki
  Yeffeɣ-d ass n : Asinas, 13 Yebrir 2021 11:22     Taggayt : AMAḌAL     Ɣran-t : 51 n tikkal   Bḍu