Menu principal

Menu principal

Tiɣri n Lezzayer i tuɣalin s amciwer d asnas n tneɣtusin n Tdukli Tafriqit

Yeffeɣ-d ass n : Asinas, 06 Yebrir 2021 15:11   Ɣran-t : 338 n tikkal
Tiɣri n Lezzayer i tuɣalin s amciwer d asnas n tneɣtusin n Tdukli Tafriqit

BRUXELLES - Tiɣri n Lezzayer i tuɣalin s amciwer gar Tirni Polisario akked Meṛṛuk ters deg ukatar n usnas n tneɣtusin n Usqamu n telwit akked tɣellist n Tdukli Tafriqit i icaren yiwet n teɣri i wakken ad d-yili umciwer usrid ara yawḍen ɣur tufrat tasertant n tuttra tawnirit, i d-yenna ass n uynas (letniyen) unesɣamu n tnarit taɣelnawt n Tirni n Polisario, yessetkelfen s Turuft akked Tdukli Turufit, Abi Bouchraya El Bachir.

Yenna-d umasay awniri deg yiwet n tseɣrut i terga « El Yaoum TV » i d-yettwaẓergen deg Youtube dakken « tiɣri-a tusa-d deg ukatar n uɣtas n Usqamu n telwit akked tɣellist n Tdukli Tafriqit ».

Aɣtas aneggaru n Usqamu n telwit akked tɣellist d tiɣri i d-yeɣra deg taggara n tqacuct-is n 9 Meɣres yezrin ɣef « wakken yessefk ad yuɣal umciwer i wakken ad nessiweḍ ɣur ferru ara iḍefren izirig n tneqqiḍt tis kuẓ n Yidi iɣef tebna Tdukli Tafriqit i yeɣɣaren i leqder n tlisa i d-yettwawerten seg d-yusa uzarug », i d-yesmekti.

Tagduda taɛrabt tawnirit tamagdayt tessebgen-d dindin dakken tjerred iman-is deg tikli-a akked tuɣalin ɣer umciwer », almend n « liḥala-a tamaynut » yellan deg temnaḍt seg yedrem umtawa n uḥbas n tyita n teldunin ass n 13 Wamber yezrin seg i d-yella unṭag tga Merruk magal yiɣarimen iwniriyen deg temnaḍt n Gergarat, i d-yenna Mass Abi Bouchraya.

Last modified on Asinas, 13 Yebrir 2021 15:09
Tiɣri n Lezzayer i tuɣalin s amciwer d asnas n tneɣtusin n Tdukli Tafriqit
  Yeffeɣ-d ass n : Asinas, 06 Yebrir 2021 15:11     Taggayt : AMAḌAL     Ɣran-t : 338 n tikkal   Bḍu