Tebda tbeddi-a tamezwarut ass n usinas tanezzayt deg tesɣimt n tsenbert, yernu tella-d ɣef temsalt n terfust ay tga Tniri Tutrimt mgal usewseɛ n umtawa-a akken ad d-iḥaz ifarisen ikerrazanen ay d-yettwafarsen deg ugelluy n Tniri Tutrimt.

Ɣef wakken ay d-tenna tmutlayt n tsenbert mi tebda tbeddi, akaram-a yerza Tirni n Polisario d Useqqamu n Tdukli Tuṛufit.

Abugaṭu n Polisario, Gilles Devers, iḥettet-d dakken aẓayer azerfan n ugelluy awniri d win n Yiɣlanen Yeddukklen yernu Meṛṛuk ur tesɛi ara tanaya ara tt-yeǧǧen ad tamed agelluy-a yettwaḥesben ur yesɛi ara tafulmant.

Mass Devers iwekked-d dakken Iɣlanen Yeddukklen crḍen-d, deg wakk tineɣtusin-nsen, akken ad yettwazrek uzref n uɣref awniri i uguccelman, yernu yenna-d dakken azmal n umtawa akerrazan gar Tdukli Tuṛufit d Meṛṛuk yerkeḍ srid azref-a. Yerna-d ubugaṭu-a dakken amtawa-a d win ara yernun ad yessebɣes Meṛṛuk akken ad tkemmel arkaḍ n usaḍuf agraɣlan yernu ad tkemmel askurmu asertan d uɛetteb n yimezdaɣen n Tniri Tutrimt.