Menu principal

Menu principal

Yessefk ad yeg umɣiwan agraɣlan kra akken ad ifak takesna n uɣref awniri

Yeffeɣ-d ass n : Ttlata, 23 Fuṛaṛ 2021 12:52   Ɣran-t : 189 n tikkal
Yessefk ad yeg umɣiwan agraɣlan kra akken ad ifak takesna n uɣref awniri

LEZZAYER TAMANEƔT – Amḥaq ay yettwamḥaq uɣref awniri « maci d ayen ay yezmer ad t-ilawi » yernu yessefk ad yeg umɣiwan agraɣlan kra akken ad yessebded takesna-a, ɣef wakken ay d-yenn, ass n uynas, ugensas n Ternin n Polisario deg Tuṛuft d Tdukli Tuṛufit, Oubi Bouchraya Bachir.

Amḥaq ay d-yettilin mgal uɣref awniri deg yigelluyen yettwawedgen n Tniri Tutrimt d iseggasen aya seg wasmi ay yella, d acu kan, ass-a, « yella umgaru, dɣa d aya ay ireẓmen abrid i unewdag akken ad yessejhed amḥaq-nnes yernu ad d-yerr ttaṛ seg yiɣarimen iwniriyen ɣef lǧal n yiserdasen ay yesṛuḥ deg tyitiwin n tredsa tawnirit », ɣef wakken ay d-yessegza Oubi Bouchraya deg yiwet n tdiwennit ay iga d uɣmis n « Le Courrier d’Algérie ».

Ass n 13 Wamber yezrin, terẓa Meṛṛuk amtawa n usebded n yimenɣi mi tudef ɣer yigelluyen iwniriyen yernu tetɛedda ɣef yiɣarimen iwniriyen deg wasun amessit n Lgergarat (deg unẓul-utrim n Tniri Tutrimt). Asebded-a n yimenɣi yella seg 1991.

« Amyenkaf n Tniri Tutrimt, s umata, d tegnit tawaɣant n yizerfan n umdan deg yigelluyen yettwawedgen llan-d d ugur ameqqran i tefrit talsant », ɣef wakken ay d-yenna, am wakken ay d-iwekked dakken « amyenkaf-a d amedya aneblal n tsertit n sin n yisaklen d tnufa tuḥṛisin deg unagraw agraɣlan ay yefkan afus deg urkaḍ n yimenzayen ayɣef yebna usaḍuf agraɣlan ».

« Deg Tniri Tutrimt, yettili-d urkaḍ d amaglay n yizerfan n umdan kra kan n yimitren ɣef yiferdisen n Tuɣdaḍt n Yiɣlanen Yeddukklen i Usuddes n Tsefrant deg Tniri Tutrimt, yernu yella-d waya war ma gan yiferdisen-a acemma akken ad sbedden aya. Aseqqamu n Tɣellist n Tuddsa n Yiɣlanen Yeddukklen ur yebɣi ara ad as-yefk adabu i tuɣdaḍt-a akken ad tesnuḍef izerfan n umdan ula ma llant-d aṭas n teɣra tigraɣlanin i lmend n waya, ɣef wakken ay d-yesḥassef ugensas n Terni n Polisario.

 

Last modified on Laṛebɛa, 24 Fuṛaṛ 2021 12:02
Yessefk ad yeg umɣiwan agraɣlan kra akken ad ifak takesna n uɣref awniri
  Yeffeɣ-d ass n : Ttlata, 23 Fuṛaṛ 2021 12:52     Taggayt : AMAḌAL     Ɣran-t : 189 n tikkal   Bḍu