« Ta d tamsalt ulac ccek dakken ɣseɣ ad tt-skeydeɣ s lqerb, a Mass aselway, uqbel ma fkiɣ-ak-d tiririt tanfatust », ɣef wakken ay d-yenna uɣella ay d-yetteddun n Pentagon deg tedwilt aydeg ay as-yesla Usinat.

Lloyd Austin yetter-it usinatur James Inhofe, aselway n tesmilt n umzaɣ n Usinat amarikani ɣef waddud-nnes deg wayen yerzan asuddes n tsefrant n uguccelman deg ugelluy-a ay tewdeg Meṛṛuk seg 1975.

Iwekked dakken tamsalt n Tniri Tutrimt « d yiwet seg temsal ay yetteddu ad tent-yessekyed » akken kan ara d-yettwawekked deg unsa n umaru n umzaɣ n Yiwanaken Yeddukklen.

Deg tgermant-nnes, ass n usinas deg Usinat, James Inhofe yellan d anemzaɣ n temsalt tawnirit, yesmekti-d dakken tannayt n Tsenbert Tagraɣlant n Teɣdemt ay d-yeffɣen deg 1975 iwekked-d dakken ulac tanaya tameṛṛukit deg Tniri Tutrimt yernu iwekked-d dakken aɣref awniri yessefk ad yamed azref-nnes n uguccelman.