Menu principal

Menu principal

Arkad n temnaḍt yeḥwaj tifrat d tagarant i temsalt n Tniri Tutrimt

Yeffeɣ-d ass n : Aynas, 30 Wamber 2020 11:59   Ɣran-t : 1 n tikkal
Arkad n temnaḍt yeḥwaj tifrat d tagarant i temsalt n Tniri Tutrimt

LONDON – Arkad n temnaḍt « adennit ad yekk » ɣef tifrat d tagarant yernu d timezgit n temsalt n Tniri Tutrimt, ɣef wakken ay d-iwekked, ass n usamas, udiplumati d uneɣlaf aqbur Abdelaziz Rahabi.

Deg yiwet n tdiwennit ay iga d uɣmis n Al-Quds Al-Arabi, yenna-d Mass Rahabi dakken « mi ara neqleɛ seg umenzay dakken timsal tiɣellisanin ur nezmir ad nebḍu gar-asent, maci d ayen imeɛnen ma nennebges akken ad nennaɣ mgal tremɣa imi ay tḍurr taɣellist d urkad igraɣlanen, maca, seg yidis niḍen, nrennu azatim i tmest yernu nesmendag amyenkaf aredsan, deg temnaḍt-a s udhal n Meṛṛuk deg taɣert-nnes ».

Ɣef leḥsab n Mass Rahabi, « addud-a n sin n lmizanat deg temsal n tɣellist ur yenfiɛ ara arkad n temnaḍt », yernu iwekked-d dakken arkad n temnaḍt adennit ad yekk ɣef tifrat d tagarant yernu d timezgit n temsalt n Tniri Tutrimt war leɛḍil s tuqqla ɣer ukala asertan d yistagen usriden s uḍfar n tesmektayt ayɣef ay mtawan sin n yidisan n umyenkaf akken ad faken tazɣent-nsen.

Deg wayen yerzan tuqqla n yimenɣi gar Meṛṛuk d Terni n Polisario deffir utɛeddi ay tga tredsa n uwdag ameṛṛuki mgal yinmeskanen imelwiyen iwniriyen deg Lgergarat, yenna-d Mass Rahabi dakken « amgaru-a yebda-d asmi ay yettwaqber ukala asertan deg 1991 », yernu iwekked-d dakken amgaru-a yesmekti-d amɣiwan agraɣlan s wugur-a d uɣref-a yettwattun 30 n yiseggasen aya, yernu s waya, yessefk ad d-afen tifrat s tɣawla i wugur-a.

Adiplumati-a aqbur yerna-d dakken « timura timeqqranin d Tdukli Tuṛufit yessefk ad steɛṛfen dakken yettili-d usmeɛreq n tidet deg umyenkaf-a ay yettkemmilen seg 1975, yernu yenna-d dakken akk timura qqlent ggarent-d tiɣri i tifrat tasertant d tamelwit ara iḍemnen i Yiwniriyen azref n uguccelman.

Last modified on Aynas, 07 Dujembeṛ 2020 13:03
Arkad n temnaḍt yeḥwaj tifrat d tagarant i temsalt n Tniri Tutrimt
  Yeffeɣ-d ass n : Aynas, 30 Wamber 2020 11:59     Taggayt : AMAḌAL     Ɣran-t : 1 n tikkal   Bḍu