Menu principal

Menu principal

Taredsa tawnirit tkemmel inṭagen-nnes mgal tezgiwin n tredsa tameṛṛukit

Yeffeɣ-d ass n : Aynas, 30 Wamber 2020 08:49   Ɣran-t : 0 n tikkal
Taredsa tawnirit tkemmel inṭagen-nnes mgal tezgiwin n tredsa tameṛṛukit

BIR LEḤLU – Kemmlent tiyunin n Tredsa Taɣerfant Tawnirit n Uslelli inṭagen-nsent mgal yizaduren d tezgiyin n tredsa n uwdag ameṛṛuki deg uɣrab n uzwar yernu yella-d waya i wass wis 17 ɣef usref, ɣef wakken ay d-yenna, ass n usamas, yiwen n ulɣu n uɣlif n umzaɣ awniri.

Amzaɣ awniri iwekked-d, deg ulɣu-nnes wis 17, dakken « tisensirin tinaẓiyin n tredsa n uslelli gant, ass n usamas, isberriwen d ineẓẓawen yernu d ussiden deg wasun n Um Ddken, deg ugzum n Albakari, deg wasun n Hezemih, deg ugzum n Meḥbes » yernu ḥukṛen daɣ « amsegraw n yiserdasen n uwdag deg wasun n tesraft n Ishiaf deg ugzum n Albakari ».

Ɣef leḥsab n uɣbalu-a, « iɣallen n Tredsa Taɣerfant Tawnirit n Uslelli ḥukṛen, ass n usiḍyas, tizgiwin n ucengu deg wasun n Ross Sebti deg ugzum n Sebti Meḥbes, deg ugzum n Al-Forsiyya d ugzum n Osmol Khamlh d Odrakah ».

Asberrew iḥukeṛ daɣ « izaduren n tredsa n uwdag deg temnaḍt n Alfayeen deg ugzum n Al-Forsiyya ».

Imenɣan n tredsa tawnirit ttkemmilen inṭagen-nsen ineẓẓawen ɣef tezgiwin n tredsa n uwdag deffir ma rekḍen yiserdasen imeṛṛukiyen amtawa n usebded n yimenɣi yernu neṭgen iɣarimen iwniriyen yettekkan deg tmeskant tamelwit deg tbuḍi tarusḍift n Lgergarat.

 

Last modified on Aynas, 30 Wamber 2020 12:01
Taredsa tawnirit tkemmel inṭagen-nnes mgal tezgiwin n tredsa tameṛṛukit
  Yeffeɣ-d ass n : Aynas, 30 Wamber 2020 08:49     Taggayt : AMAḌAL     Ɣran-t : 0 n tikkal   Bḍu