Menu principal

Menu principal

LEBLIDA– Ametthum ameqran akk deg temsalt n usenduq agejdan n Tbanka n Khalifa, Abdelmoumene Khalifa, yenna-d deg ubḥat-nnes deg uxxam n ccṛeɛ n tejrimin n Leblida dakken yejja-d tikebbaniyin « tteddunt mliḥ yerna ur flisent ara » uqbel ma yeffeɣ seg Lezzayer deg 2003. Yenna-d dakken iḥulfa « yella-d uɣawas akken ad as-ɣelqen tabanka d tkebbaniyin-nens » seg Ctembeṛ 2002, aseggas anda ay yeɛzem « ad yeffeɣ seg tmurt akken ur d-iweḥḥel ara deg tegnit yerwin, imi ay yessexdem ugar n 22.000 n yixeddamen ay yellan tteddun ad d-afen iman-nsen war axeddim ». Takebbanit n waffug n « Khalifa Airways » tella tesɛa, ɣef wakken ay d-yenna Khelifa, 4 n yisafagen ay yellan ssekcamen-d « idrimen d imeqranen ». Takebbanit-a tella tesɛa 93 n yimelyaṛen n yidinaṛen deg Lezzayer ed 10 n yimelyaṛen n yidinaṛen deg uzɣar. Ula d tabanka-nni tella « tetteddu mliḥ » yerna tejja-d 97 n yimelyaṛen n yidinaṛen, dɣa netta yettwali dakken axebber s uflas n tkebbanit-a d « tukerḍa yettwassuddsen n yedrimen n tbanka-a ». Yenna-d daɣ dakken « ur yefhim ara ṛṛay n tbanka talemmast ay yesbeṭlen ttesriḥ n ttjaṛa tabeṛṛanit n tbanka [n Khalifa], yerna yura ula d tabṛat i uɣlif n tedrimt ɣef waya, maca ur as-d-tettunefk ara tririt ». Aṛabul aneggaru n tseqqamut tabankant ur d-yufi ara kra n diri yerna « ur d-yebdir ara tuffɣa i lqanun », ɣef wakken ay d-yenna. « Llant tɣawsiwin ur zmireɣ ara ad tent-id-iniɣ deg uxxam n ccṛeɛ », ɣef wakken ay d-yenna yerna yessemɛen-d s waya aṣeffi n leḥsabat. Khelifa yetthem « Ifṛensisen » deg temsalt-a, imi ay d-yenna dakken d Fṛansa ay yellan tebɣa ad tessiweḍ tabanka tadzayrit ɣer uflas akken ad terẓem tibankiwin tifṛensisin deg Lezzayer. Khelifa yenkeṛ dakken yerḍel idrimen i medden s « yiccer kan n lkaɣeḍ » neɣ…
LEZZAYER TAMANEƔT – Amɛawen adamsan d udriman yella-d d tamsalt tameqrant ɣef sqerdcen ass n laṛebɛa deg Lezzayer Tamaneɣt gar uneɣlaf n tedrimt Mohamed Djellab, d umazun uzzig n Uneɣlaf amenzu abriṭani i usmal n ticcurka tadamsant gar Lezzayer d Briṭanya Tameqrant, Lord Richard Risby, ɣef wakken d-yenna ulɣu n uɣlif. Deg usqerdec-agi, sin-nni n yidisan ssukken-d tiṭ ɣef temsal yemgaraden « n nnfeɛ ucrik », ladɣa amɛawen adamsan d udriman ucrik, d yiberdan d ttawilat i usnerni n umɛawen, ɣef wakken d-tenna teɣbalut-a. Tibankiwin d usnerni n ssuq n tedrimt d yiwet seg temsal ɣef d-ssawlen. Mass Djellab d Lord Risby msefhamen daɣ « ad kemmlen ad xeddmen akken i lmend n uselqay d useǧhed n umɛawen gar snat-a n tmura », ɣef wakken d-yenna ulɣu-nni. Mi ifuk usqerdec gar-asen, Lord Risby yesteṛḥeb s ustenyi (seg yidis azzayri) n umtawa akken ur tettwaxellaṣ ara leɣrama snat n tikkal ɣef sselɛa gar snat-a n tmura, ɣef wakken ay d-tenna teɣbalut-a.
LEZZAYER TAMANEƔT– Aneɣlaf n temguri d lminat, Abdesselam Bouchouareb iɛawed iwekked-d, ass n ttlata deg Lezzayer Tamaneɣt, dakken amɛawen gar tmura tifriqiyin d ayen umi tefka Lezzayer tuzwirt, yerna yenna-d dakken Ldzayer tewjed akken ad tɛawen timura tifriqiyin deg temguri. Mass Bouchouareb yenna-d, deg yiwen n umyager d Timwekkel n Tdukli Tafriqit i temguri d tnezzut (UAIC), Massa Fatima Haram Acyl, « Lezzayer tewjed ad texdem, deg uqaleb n tsuda d wudusen ifriqiyen, i lmend n usselhu n temguri deg Tefriqt », ɣef leḥsab n yiwen n ulɣu n uɣlif. Dɣa deg waya, msefhamen sin-a n yidisan akken ad fken azal i teɣbula tigamanin akken ad ɛawnen timura deg ussemqarab n tdamsiwin-nsent. Aḥric n lminat « d ttawil n usnerni yerna yezwar deg lecɣal ay yetteg unabaḍ », ɣef wakken ay d-yenna Mass Bouchouareb, yerna yella-d wawal ɣezzifen ɣef waya gar sin-a n yidisan. Seg yidis-nnes, Massa Acyl tḥettet-d dakken « yessefk ad yettwassebded ttawil i lmend n ussemqarab n tdamsiwin n Tefriqt, yerna aya ad d-yili s usselket n tnegwa timezwura deg Ldzayer », ɣef wakken ay d-tenna.
LEZZAYER TAMANEƔT – Renault Algérie terẓem yiwen n wammas n ussileɣ i lmend n ussejhed n tmussniwin deg ṣṣenɛa n tmikatṛunit deg Tasala Lmerja (deg twilayt n Lezzayer). Tamikatṛunit d yiwen n unrar aydeg tettdukkul tmikanit, taliktṛunit, tawurmant (tuṭumatit) d tsenselkimt d lebni n tmacinin. Aneɣlaf n ussileɣ d ulmud amsadur, Nouredine Bedoui, yerẓem ammas-a umi semman « Renault Algérie Académie » (Takadimit n Renault n Lezzayer) s uḥdaṛ n uwali n Lezzayer, Abdelkader Zoukh, d uselway anemhal amatu n Renault Algérie, Guillaume Josselin. Dɣa deg tegnit-a, Mass Bedoui d Mass Josselin stenyan yiwet n teftart tazamalt n ttesriḥ i uɣerbaz-a. Iswi n urẓam n wammas-a n ussileɣ netta d assebɣes n yimseftiyen usligen akken ad ssɣarayen ixeddamen, ladɣa deg wayen yerzan aṣeggem n tkeṛṛusin (deg unrar n tmikatṛunit), ɣef leḥsab n wid ay d-yessuddsen aya. Deg temsalt-a, sin n yimtawayen n ticcurka ay yettwastenyan gar Usudu n ussileɣ n yimsilɣen n Lemdeyya d wayeḍ n Ɛennaba seg yidis, d tkebbanit n Renault Algérie seg yidis niḍen, akken ad mɛawanen deg yiwen n wahil n ugerrez n tmussniwin n yimsilɣen (iselmaden) deg teknussniwin n tmikatṛunit, d usnerni n uxeddim n uḥelyiw n tkeṛṛusin d ssbiɣa-nsent. Deg tinawt-nnes, Mass Bedoui yenna-d dakken iswi n ccɣel-a netta « d asselhu n ussileɣ akken ad d-yemyezg d wayen ay yettwaxdamen deg umaḍal ». « Aql-aɣ ɣer yidis n wakk leṛyuy yeqqnen ɣer usnerni n yixeddamen, imi d wi ay d assefti n tidet i ussekcem n yidrimen yerna awanak [ddula] yefka idrimen imeqranen i waya », ɣef wakken ay d-yerna. Seg yidis niḍen, aneɣlaf iḥettet-d dakken yessefk ad yettunefk wazal i uḥric n tkebbaniyin tusligin ay yettgen assileɣ akken ad qqlen yixeddamen ilemẓiyen ssekcamen-d ugar n yidrimen, yerna aya ad yesserbeḥ ula d tikebbaniyin ara « ixeddmen xir » yerna « ad ẓewrent…
LEZZAYER TAMANEƔT – Yella-d udiwenni ass n ttlata deg Lezzayer Tamaneɣt gar uneɣlaf n tnezduɣt d temdint, Abdelmadjid Tebboune, d unmahal amiksiki deg Lezzayer, Juan Jose Gonzales Mijares, ladɣa ɣef wayen yerzan lebni n tnezduɣt deg Lezzayer, ɣef wakken ay d-yenna yiwen n ulɣu n uɣlif. Ssawlen-d sin-a n yidisan ɣef lebɣi-nsen akken ad snernin « amɛawen ara d-yawin lfayda » s uttekki n tkebbaniyin timiksikiyin n lebni deg wahilen ay tnezduɣt d yimuhal inagduden, ɣef wakken ay d-tenna teɣbalut-a. Deg tegnit-a, anmahal amiksiki yenna-d tewjed tmurt-nnes deg uttekki deg ussefɛel n wahil s tigin n yifadden i tkebbaniyin timiksikiyin akken ad ttekkint gar tkebbaniyin drusen ay yettwaqeblen deg unrar-a. Seg yidis-nnes, Mass Tebboune yenna-d d akken yesteṛḥib s wakk leṣnaf n umɛawen ucrik deg unrar-a.
SIDI BELƐEBBAS – Yenna-d uneɣlaf n umesni, Amar Ghoul ass n lḥedd deg Sidi Belɛebbas dakken atan ad yettwabnu ubrid n wuzzal n tazzla tameqrant ara yeqqnen agmuḍ (ccerq) ɣer utaram (lɣebr) n tmurt. Aɣlif n umesni yebɣa ad d-yeg acḥal n yisenfaren akken ad yessiweḍ ad yeqqen timiwa n ugafa n tmurt seg tlisa tigmuḍanin arma d tilisa tutrimin s yiwen n ubrid n wuzzal n tazzla tameqrant aydeg timacinin zemrent ad awḍent ɣer 220 n yikilumitren deg tsaɛet, ɣef wakken ay d-yenna Mass Ghoul deg yijifeṛ n yiwet n terzi n uxeddim deg twilayt-a aydeg ay yessefqed ayen ay yettwabnan deg uḥric n umesni. Aneɣlaf yessefqed asenfar n lebni n ubrid n wuzzal n tazzla tameqrant ay yeqqnen Wad Tlilat (Wehṛan) ɣer Tlemsan, d win ɣezzifen 132 n yikilumitren, yerna yenna-d dakken lebni n ubrid-a ara yeqqnen timiwa n ugafa ad d-yili d iḥricen yerna ad yettwabni s ttekniyin timaynutin ɣef leḥsab n wayen ay d-tessemter Tdukli tagraɣlant n yebriden n wuzzal. Aẓeḍḍa-a n ubrid n wuzzal n ugafa d win ara yesnernin aḥric n umesni ladɣa amesni n sselɛa, am wakken ara yesmel daɣ tamerrit, ɣef wakken ay d-yenna uneɣlaf. Mass Ghoul yenna-d daɣ dakken aḥric-nnes la yekkat akken ad yaweḍ uẓeḍḍa n ubrid n wuzzal ad yesɛu 12.500 n yikilumitren seg-a ɣer 2025, am wakken ay d-yenna dakken yumar (yefṛeḥ) imi ay yuweḍ uxeddim ɣer « unya yelhan » yerna asnerni n uẓeḍḍa-a ad d-yili deg-s ussekcem n trisiti ɣer ubrid n wuzzal, assersi n yigalisen, assewjed n ttawilat n teɣwalt, n laman d uṣeggem. Asenfar n ubrid n wuzzal n Wad Tlilat-Tlemsan d win ara yekken ɣef twilayin n Mɛeskeṛ d Sidi Belɛebbas, yerna atan la yetteddu s tikli yelhan, ɣef wakken ay d-yenna uneɣlaf ay yesfeqden daɣ ixeddimen n lebni n ubrid n wuzzan…
LEZZAYER TAMANEƔT – Aneɣlaf n umesni Amar Ghoul yenna-d, ass n ttlata, d akken wid ay d-yekkaten deg tkebbanit taɣelnawt Air Algérie acḥal n wayyuren aya « msefhamen » akken ad tt-rwin deg ssuq n umesni agenwan deg Lezzayer. Mi d-yerra ɣef wayen ay d-nnan yimaslaḍen n Ugraw aɣerfan aɣelnaw deg uskasi ɣef usenfar n lqanun yerzan tamsafga taɣarimt, Mass Ghoul yenna-d d akken « ddiɛayat d lḥeṛs » ay la d-yettilin ɣef tkebbanit taɣelnawt d win ayyes la ttḥakaṛen ad as-ssimsen i tneggarut-a i lfayda n yidisan ibeṛṛaniyen. Aneɣlaf yebder-d, ɣef umedya, aɣelluy deg Mali, n usafag-nni aspenyuli ay d-tekra Air Algérie ɣef Swift Air. Deg tidet, llant aṭas n tɣaswisin aydeg txuṣṣ Air Algérie yerna ur la tettwassefrak ara mliḥ, maca akken yebɣu yili, tettɣimi d takebbanit taɣelnawt yerna yessefk ad tefru uguren ay d-yembabben fell-as cwiṭ, cwiṭ, yerna ur yessefk ara ad yettunefk fell-as ufus akken ad teɣli, ɣef wakken ay d-yenna. Mass Ghoul yesmekti-d deg temsalt-a assenqed-nni alqayan ay d-yellan seg melmi kan deg tkebbanit-a. Imazanen n Ugraw aɣerfan aɣelnaw ssawlen-d ɣef temsalt n usselhu n ssrabes n Air Algérie d ferru n wuguren n tkebbanit-a. Imazanen gren-d tamawt ɣef ssrabes n diri d uɛeḍḍel ay zgan ttɛeḍdilen yisafagen yessawaḍen medden ama daxel tmurt, ama beṛṛa n tmurt, am wakken ay d-ssawlen ɣef yiḥezziben ay yessefken ad ttwaddmen akken ad sselhun tagnit-a. Seg tama niḍen, aneɣlaf n umesni yenna-d d akken aɣlif-nnes ad yesnerni amesni agenwan n sselɛa ara d-yeskecmen idrimen d imeqranen i tkebbanit-a. Lmedxul n ccɣel-a deg umaḍal qeyymen-t s 6.400 n yimelyaṛen n yidulaṛen deg 2013, ɣef wakken ay d-ideqqeq uneɣlaf. Aneɣlaf yesmekti-d daɣ ahil ay d-tga tkebbanit-a i tiɣin n 16 n yisafagen imaynuten, gar-asen sin n yisafagen i umesni n sselɛa. Deg uṛabul-nnes n tazwara ɣef usenfar-a n lqanun, taseqqamut n…
LEZZAYER TAMANEƔT – Assefɛel n wahil n uɛawen n weḥric n waman d ussizdeg-nsen “AMAN II” ay d-yellan d Tdukli Tuṛufit yuweḍ ɣer 99,50% deg wayyur n Yebrir 2015, ɣef wakken ay d-yenna unemhal n teɣbula talsanin, assileɣ d wemɛawen agraɣlan i uneɣlaf n teɣbula n waman, Nadri Ahmed. Asenfar-a yella-d deg uqaleb n tikli tameqrant ay d-tewwi Lezzayer deg wenrar n ussizdeg n waman, ɣef wakken ay d-yenna Mass Nadri deg yijifeṛn yiwet n temlilit n uxeddim gar yikataren n weɣlif n teɣbula n waman d tmagla n Tdukli Tuṛufit akken ad ẓren sani ay ssawḍen lecɣal deg ussileɣn wahil n « AMAN II ». Ahil-a n uneɛruḍad yeqqim arma d Ctembeṛ2015 yerna yegla-d s wegmuḍs wazal-nnes deg wayen yerzan asselhu n tzemmar n yixeddamen n Tnarit taɣelnawt n ussizdeg (ONA), yerna aya yella-d s ussileɣ-nsen deg wenrar n uxeddim. Tanemhalt n wahil n « AMAN II » ay ixeddmen deg weɣlif n teɣbula n waman, Hamouche Hassina, tenna-d dakken asenfar-a yettwaɛawen s 40 n yimelyunen n wuṛuten, gar-asen 30 n yimelyunen ttunefken-d sɣur Tdukli Tuṛufit, ma d amelyaṛ n yidinaṛen tefka-t-id Lezzayer. Deg wayen yerzan assileɣn yixeddamen deg wenrar n uxeddim, 1031 n yikataren n weɣlif ay d-yesfaydin seg ussileɣn 600 n wussan. Alday n tjellabin deg wayen yerzan asenfar n lebni n wammas n ussileɣdeg ṣṣenɛat n ussizdeg n waman deg twilayt n Bumerdas ad d-yili ass n 7 Mayyu ay d-yetteddun. Ammas-a ad yettekki deg usselhu n tɣara n umeẓlu anagdud deg wenrar n ussizdeg n waman. Azal n 20 n yijenyuṛen ay ixeddmen ɣer ONA ay d-yesfaydin seg ussileɣuzzig ɣef tarrayin n ussileɣn yimanunen (tamussni n ussileɣ). Aneɣlaf la yessefray ad yazen ikataren akken ad ttwassilɣen deg tmussni n usselmed deg uqaleb n yeswan ay d-ssefran ad ten-awḍen, ɣef wakken ay d-tenna Massa Hamouche. Seg…
BARECELONA (Spenyul) – Amtawa n ticcurka ay yeqqnen Lezzayer d Tdukli Tuṛufit « ur d-yegli ara s lfayda yemmden i tdamsa tadzayrit », ay d-yenna ass n letniyen deg Barcelona uneɣlaf n tɣawsiwin n uzɣar, Ramtane Lamamra. Aneɣlaf, ay d-yessawlen sdat tɣemsa deg yijifeṛ n Usarag aɣlifan ɣef tsertit tuṛufit n tnarga (ljiran) yesh’assef imi amtawa n ticcurka gar Tdukli Tuṛufit d Lezzayer ur d-yegli ara s wakk ayen ay yettwaḍemɛen seg-s, yerna ur d-tesfaydi ara seg-s aṭas tdamsa tadzayrit. D acu kan, yenna-d daɣ dakken Lezzayer la « tettemcawar s telqey tameqrant » akk d yecriken-nnes uṛufiyen, yerna « ass-a, tasertit tuṛufit n tnarga yessefk ad tettwabeddel, yerna d ayen ibanen dakken Lezzayer ad teddu d ubeddel ara d-yilin deg tsertit-a ». Yessefk ad neṛju ad tbeddel Tuṛuft tikli-nnes deg wayen yerzan tamsalt-a uqbel ma fuken assewjed n uɣawas (leblan) n tigawt n wemtawa n ticcurka d Tdukli Tuṛifit, ɣef wakken ay d-ih’ettet uneɣlaf. Mi yettwatter ɣef temsalt n tiddit n medden gar tmura, aneɣlaf n ṭvawsiwin n weẓvar yenna-d dakken aɛawed n tmu’vli n tsertit tuṛufit n tnarga ad d-yili « d tagnit i uṣeggem n temsalt-a ». « Nettwali dakken akk timsal n uwliwel gar tmura n wakk ticrih’in n medden ay yettekkayen ama s webrid usrid, ama s ubrid arusrid deg lebni n ticcurka-a gar Tuṛuft d tmura-nneɣ yessefk ad as-ɛawden tamuɣli », ɣef wakken ay d-yenna. Tamsalt-a d tin n tukci n yizerfan n llsas i wemdan, d azref n tukci n lviza, azref n uqader deg tmura n wezɣar d tikli gar tmura s uqader n leqwanin yettwasfeɛlen », ɣef wakken ay d-yessefhem uneɣlaf. Mass Lamamra yenna-d dakken « tagnit aydeg yella yimenɣi mgal rrebrab d wayen ay nessaweḍ ad t-neg deg wenrar-a, a win yufan ad aɣ-jjen ad nettwaqader akken iwata deg wayen…
LEZZAYER – Yessefk ad d-tebdu Lezzayer, s lḥir, tisemmeskal timṣukanin (réformes structurelles) akken ad tqabel ayen aydeg txuṣṣ tdamsa taɣelnawt ladɣa imi ay teɣli ssuma n upitṛul, ɣef wakken ay d-yenna ass n letniyen deg Lezzayer udemmas Mustapha Mekideche. « Yessefk ad d-ilin lxetyarat ɣef zik lḥal yerna ad d-bdunt tsemmeskal timṣukanin i weḍman n tɣellist ɣef lbeɛd akk d uṣerref n yedrimen ɣef tmudemt tamaynut n gemmu », ɣef wakken ay d-yenna Mass Mekideche deg yiwen n usarag ay d-yessuddes Usud aɣelnaw n tezrawin tisuddsanin timuta ɣef tɣellist d tukkit tafudant deg Lezzayer. Ɣef leḥsab-nnes, aɣelluy n ssuma n upitṛul yeḥṛes mliḥ tukkit tadamsant n tmurt, am wakken ay d-yesmekti dakken atan la yettimɣur lexṣaṣ n wedrim deg umarud yerna simal la trennu tukksa n yedrimen seg Usenduq n weswaḍ n tsidaf. Tagnit-a, ɣef wakken ay d-yenna, d tin aydeg terra tmara ad d-yili deg-s ubeddel deg temsal n umarud, assenqes n tiɣin seg tmura n wezɣar d usseqdec n yifarisen iɣelnawen, asseqdec n ussegfer aɣelnaw i tukci n wedrim i ussefti akk d tsemmeskal deg leɣrama akken ad kecmen yedrimen ɣer tbankiwin. Mass Mekideche yefka daɣ azal i tsemmeskal deg tsertit n yissekiyen inmettiyen d lemɛawna deg ssumat, ladɣa tid yeqqnen ɣer userɣu. Ɣef leḥsab-nnes, daɣ, yessefk ad tettunefk tuzwirt i wesmal n tkebbanit yerna yesmekti-d, deg temsalt-a, dakken 95% seg tkebbaniyin d timeẓyanin aṭas (ssexdament ddaw 9 n yixeddamen), yerna ala 3 n tkebbaniyin deg tmurt ay yessajjawen 80% seg sselɛa yexḍan apitṛul d lgaz. Deg wayen yerzan assefti abeṛṛani usrid deg Lezzayer, Mass Mekideche, ay yellan daɣ d anmazul n uselway n CNES, yenna-d yessefk ad neqqel ɣer ussidrem uffiɣ yerna aya yif aḥettem n yemseftiyen ibeṛṛaniyen akken ad ssidrimen axeddim-nsen deg tmurt. Yessefk daɣ ad yettwassemɣer Usenduq aɣelnaw n ussefti yerna ad yeqqel d agraɣlan,…