CCLEF – Iwekked-d uneɣlaf n temguri, Ahmed Zeghdar, ass n ukwas seg Cclef, dakken imeẓla-nnes ttmahalen s usemyuddes d ugzum uslig akken ad rnun afares n unfed i usenqes n watig-nnes.

ZZAYER TAMANEƔT – Yettwassekyed yiwen n usenfar n tanaḍt taslekmant, ass n ukras, deg temlilit n unabaḍ ay yesselwi uneɣlaf amenzu, Aimene Benabderrahmane, ɣef usifses n tsekkirin n tukci n usireg n usedwen i yizraren d yisgulaf n ufares yettwaṣeggmen.

ZZAYER TAMANEƔT – Yessekyed unabaḍ, ass n ukras, deg yiwet n temlilit ay yesselwi uneɣlaf amenzu, aneɣlaf n tedrimt, Aimene Benabderrahmane, yiwen n usenfar n usaḍuf yerzan asmal n usefti, ɣef wakken ay d-yenna yiwen n ulɣu n yimeẓla n uneɣlaf amenzu.

ZZAYER TAMANEƔT – Asarag Aɣelnaw ɣef Usduqqes Amguran ay ifuken ass n uynas, d win ay ifuken s mennaw n yisemtar yerzan ladɣa anaḍ n uselhu n tinnuzɣa n usefti d yihri awerdani s useɣnew n tsemsedda d timellilin deg tgensas tidiplumatiyin n Zzayer deg uzɣar.

ZZAYER TAMANEƔT – Iwekked-d uneɣlaf amenzu, aneɣlaf n tedrimt, Aimene Benabderrahmane, dakken Asarag Aɣelnaw ɣef Usduqqes Amguran ay ifuken ass n uynas deg Zzayer Tamaneɣt, d win ara d-yessuffɣen tamurt seg usefrek attalan yernu ad tt-yessidef ɣer tallit n usefrek yersen ɣef yiɣawasen yettwazerwen i useɣti n yikalaten ucciḍen ay teḍfer naqal Zzayer.

ZZAYER TAMANEƔT – Iwekked-d uselway n tegduda, Mass Abdelmadjid Tebboune, ass n usiḍyas deg Zzayer Tamaneɣt, ɣef tḍullit n usali n udraw n temguri deg ufaris agensi anusem akken ad yaweḍ ɣer gar 10 d 15% akken ad yeqleɛ ugzum-a s tidet.

ZZAYER TAMANEƔT – Yumeṛ uselway n tegduda, Abdelmadjid Tebboune, ass n usiḍyas deg Zzayer Tamaneɣt, akken ad ttwaddmen yisurifen d ikmamen akken ad d-tili « tegrawla tamgurant » n tidet yernu ad yernu udraw n temguri deg tdamsa taɣelnawt, am wakken ay yessefk ad ttwakksen akk wunjugen ibiruqraṭiyen i usides n tedbelt ɣer yimsefti.