ZZAYER TAMANEƔT – Yedrew ujiniṛal n tredsa Saidi Chanegriha, aɣella n umaddad n Tredsa Taɣelnawt Taɣerfant, ass n usinas, s usarag n teẓrit, deg Usarag Agraɣlan Wis 10 ɣef Tɣellist ay d-yellan deg Musku (Rrus), ɣef wakken ay d-yenna yiwen n ulɣu n uɣlif n umzaɣ aɣelnaw.

ZZAYER TAMANEƔT – Yessemned-d udiplumati Said Djinnit, ass n ukras, asarag s Internet ɣef udlis-nnes amaynu « Tazmamt n Maputo niɣ Tabṛat-inu n Tayri i Tmeṭṭut Tafriqit » s udraw n kra n yimeskaren d-yeflalin. Wa d adlis ay d-yellan d tagga ɣef tmeṭṭut n umenẓaw deg ukatar n Uneggaf n Maputo.

ZZAYER TAMANEƔT- beyynen-d imgermanen deg usarag amezruyan, ass-a asinas (ttlata), deg tnezduɣt teṛcibin aɣelnaw (Zzayer Tamaneɣt), tamlilit n Zzayer amellil, yellan d-tt-ggi-t deg wedhal n imussa n uslelli d tukksa n usehres deg tefriqt akked temnaḍin n umaḍal-nniḍen.

ZZAYER  TAMANEƔT - Ajram n yiɣbula idelsanen n tmura tifriqiyin yettwahersen yella « deg wul n tsertiyin n yinagrawen ihersanen  n turuft », i d-yenna usdawan asanigali, Felwine Sarr, i la yettwalin deg waya « d asenfar iɣef swinegmen » akken ad ḍemnen adummu ahersan deg umenẓaw, ula deg Zzayer i yesfuglen aseggas-a amulli wis sḍimraw n uzarug-is.

MSETƔANEM – Tagrawt tamgurant tazzayrit « Gisb Eletric », yellan deg ugezdu n Msetɣanem yessaǧen, ass n usamas (lḥedd), iguta n trisiti ɣer Ssinigal s yiwen n uzal n 4 n yimelyunen n yiyuruten, i aɣ-d-tenna teṛmist tadamsant.

ACCRA – Ɣetsen yimḍebbren n Umɣiwan Adamsan n Yiwanaken n Tefriqt n Utaram, yemlalen deg Accra ass n usamas, ad medlen tilisa-nsen d Mali yernu ad d-ḥettmen tifergi ɣef tmurt-a akken ad tt-weddben ɣef tagayt ay tugi tegrawt taresdant yeṭṭfen adabu deg Bamako ad tessuddes tifranin deg Fuṛaṛ i ufran n yiɣarimen ɣer udabu.

SṬENBUL – Attekki n Lezzayer deg Tqacuct tis 3 n ucrak gar Ṭṭerk akked Tefriqt i la d-iḍerrun, asiḍyas-a (ssebt), deg Sṭembul, d ttbut n tilin n ucrak asurfan n wassaɣen yellan gar snat n tmura.

WEHṚAN – Tger-d Leila Zerrouki, tamazunt-nnes tuzzigt d-yelhan s yiblagen igraɣlanen imeqqranen, ass n ukwas, i lmend n temyamaẓt d usemyuddes gar tmura tifriqiyin d tsuda tigraɣlanin.

LEZZAYER  TAMANEƔT – Aneɣlaf n Yiweẓla n uzɣar akked Umɣiwan yeddren deg uzɣar, Ramtane Lamamra yeqbel, asnebgi n umtil-is acinwi akked usanigali, akken ad yettekki deg yimuhal n temlilit taɣlifant tis 8 n Umyiger ɣef unmireg acinwi-afriqi deg Dakar (Ssinigal), ara d-yeḍrun ass n uynas (letniyen) akked usinas (ttlata), i d-yenna yiwen n ulɣu n uɣlif.

ZZAYER TAMANEƔT – Yebda-d uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra, ass n usinas tameddit, tirzi n umahil ɣef Brazzaville, tamaneɣt n Tegduda n Kungu, s yisem-nnes d amazun uzzig n uselway n tegduda, Abdelmadjid Tebboune.