Menu principal

Menu principal

Anaɣez n Gaṛa Ǧbilat: Tussfa n 1000 n yiṭunen n uzara n wuzzal

Yeffeɣ-d ass n : Akwas, 18 Ɣuct 2022 17:09   Ɣran-t : 80 n tikkal
Anaɣez n Gaṛa Ǧbilat: Tussfa n 1000 n yiṭunen n uzara n wuzzal

ZZAYER TAMANEƔT – Tettwassef-d tnecta tamezwarut n 1000 n yiṭunen n uzara n wuzzal ass n ukras seg unaɣez n Gaṛa Ǧbilat-Ataram (tawilayt n Tinduf) ay yebdan tettwamad deg tgara n Yulyu, ɣef wakken ay d-yenna, ass n ukras, unemhal amatu amalal n Teṛmist Taɣelnawt n Wuzzal d Unfed, Redha Belhadj.

« Nga sin n yiqrasen s yifexsayen ay yessawḍen ɣer tɣuzi n uṭranci d udmer n usekfel. S uqras wis kraḍ, nessaweḍ, ass n ukras, ad d-nessekfel 1000 n yiṭunen n uzara n wuzzal », ɣef wakken ay d-yenna Mass Belhadj, ay d-yernan dakken timhal n tussfa niḍen d ugaren aṭas tanecta-a.

« Nezmer ad naweḍ ɣer gar 20.000 d 25.000 n yiṭunen ayyur ay d-itteddun, yernu tezmer ad taweḍ ɣer wazal n 100.000 n yiṭunen i wayyur seg-a ɣer tgara n useggas », ɣef wakken ay d-iwekked.

Deg takkayt-a tanermit, « azgen seg izara n wuzzal d-yettwassfen ad t-awin ɣer Wehṛan anda ara yettwassiǧew ɣer Ccinwa d Rrus », ɣef wakken ay d-yenna.

Azgen niḍen ad t-awin ɣer tneɣraf n wuzzal d unfed yellan deg Zzayer, ɣef wakken ay d-yerna umasay-a.

Asenfar-a d win ara iḍemnen yernu ad yesɣelles asigeẓ n tneɣraf tiɣelnawin n yimɣuzen (Lḥeǧǧaṛ, Tosyali, AQS, atg.) s tenga tanusemt yernu ad yernu amaduf n tmurt yexḍan timerɣa, am wakken ara yeḍmen 3000 n temras.

 

Last modified on Aynas, 22 Ɣuct 2022 12:51
Anaɣez n Gaṛa Ǧbilat: Tussfa n 1000 n yiṭunen n uzara n wuzzal
  Yeffeɣ-d ass n : Akwas, 18 Ɣuct 2022 17:09     Taggayt : TADAMSA     Ɣran-t : 80 n tikkal   Bḍu