Menu principal

Menu principal

Timurɣiyin  n tẓegwa: Iger-d uɣlif n tkerrazt tiɣri i teɣḍeft

Yeffeɣ-d ass n : Asamas, 14 Ɣuct 2022 12:08   Ɣran-t : 23 n tikkal
Timurɣiyin  n tẓegwa: Iger-d uɣlif n tkerrazt tiɣri i teɣḍeft

ZZAYER TAMANEƔT – Iger-d uɣlif n tkerrazt d usnegmu awmazir tiɣri, ass n usiḍyas, i wakk wid ay yerza umennuɣ mgal tmurɣiyin n tẓegwa akken ad ḥadren aḥader d ameqran yernu yesmekti-d s wuṭṭun azegzaw n 10-70 i lmend n uɛeyyen ɣef tmurɣiyin, ɣef wakken ay d-yenna yiwen n ulɣu n uɣlif-a.

« Iger-d tiɣri uɣlif n tkerrazt d usnegmu awmazir i wakk idisan ay terza temsalt n uɣawas aɣelnaw n uḥezzeb d umennuɣ mgal tmurɣiyin n tẓegwa, ama deg uswir alemmas, ama deg uswir adigan, akken ad ssalin aswir n teɣḍeft d timmuhla yernu yessefk ad d-yili waya s usersi n wakk isuga deg tegnit n teɣḍeft i tgermant deg tegnatin n tetrabt s teɣzef n tallit n usnebdu », ɣef wakken ay d-yenna uɣbalu-a.

« Iger-d tiɣri uɣlif i usugget n tmezzayin deg tẓegwa deg ukatar n usnas n uɣawas aɣelnaw n uḥezzeb d umennuɣ mgal tmurɣiyin n tẓegwa », ɣef wakken ay d-yerna ulɣu-a.

Yesmekti-d uɣlif « i wakk iɣermanen d tseqqimin tidiganin n wid izedɣen tama n tẓegwa akken ad zerken akaten n uḥezzeb ay d-yettwabedren deg tḥemliwin n usefrey ».

I lmend n waya, yesmekti-d uɣlif s yilɣa ay d-yessuffeɣ uqbel deg wayen yerzan amennuɣ mgal tmurɣiyin ladɣa deg tallit n uɣurar yellan ussan-a.

Yebder-d uɣbalu-a ilɣa n 7 Ɣuct d 17 Yulyu ay d-igren tiɣri akken ad yeqqim uswir n teɣḍeft d afellay ɣef lǧal n tmerniwt n teẓɣelt ay izemren ad d-tessenker timest, am wakken ay d-yebder alɣu n 3 Ɣuct yerzan asegres uɛḍil n ufares n yireg d uzrak n wakaten isurfanen yerzan tiddit daxel tẓegwa.

Yesmekti-d daɣ uɣlif s ulɣu n 19 Yunyu yezrin ay d-ixebbren ɣef wuṭṭun azegzaw i usummel n umihi niɣ arkaḍ n usaḍuf deg ukatar n uḥezzeb mgal timurɣiyin n tẓegwa, akked ulɣu n 29 Mayu aydeg aɣlif n tkerrazt ixebber-d ɣef usegres uɛḍil n ufares n yireg.

Iwekked-d daɣ uɣlif dakken amesten d uḥraz n teɣbula tineẓgiyin d tamasit n wakk medden yernu d aya ay yesrin taɣḍeft s teɣzef n tallit n usnebdu.

 

Last modified on Aynas, 15 Ɣuct 2022 12:16
Timurɣiyin  n tẓegwa: Iger-d uɣlif n tkerrazt tiɣri i teɣḍeft
  Yeffeɣ-d ass n : Asamas, 14 Ɣuct 2022 12:08     Taggayt : TADAMSA     Ɣran-t : 23 n tikkal   Bḍu