Menu principal

Menu principal

Tuẓut n wugar n 11.000 yiqeṭṭaren n yisekla igummanen i tḥemla n 2022-2023

Yeffeɣ-d ass n : Akwas, 11 Ɣuct 2022 14:00   Ɣran-t : 2 n tikkal
Tuẓut n wugar n 11.000 yiqeṭṭaren n yisekla igummanen i tḥemla n 2022-2023

ZZAYER TAMANEƔT – Yessefray uɣlif n tkerrazt d usnegmu awmazir ad yeẓẓu ugar n 11.000 n yiqeṭṭaren n yisekla n yigumma ikiwanen d uṛemman deg tḥemla ay d-itteddun n tuẓut n yisekla igummanen n 2022-2023, ɣef wakken ay d-yenna yiwen n umasay n uɣlif.

« Aql-aɣ nesmutug-d i tḥemla ay d-itteddun yernu ta d tin aydeg ay nessefra ad nesnegmu askurrez n yisekla igummanen d yikiwanen s tuẓut n 11.430,55 n yiqeṭṭaren niɣ azal n 2,216 n yisekla (deg wakud aydeg, deg tḥemla n 2021-2022, ẓẓan 1,7 d amelyun) », ɣef wakken ay d-tessegza Massa Fatima Khelil n tmehla n usnegmu akerrazan d uwmazir deg wasunen ikiwanen d yizgenkiwanen deg uɣlif.

Ɣef leḥsab n Massa Khelil, taḥemla n 2022-2023 ad d-tebdu deg ukraḍyur wis kuẓ (4) n useggas-a yernu d tin yerzan tuẓut n 1.532 n yiqeṭṭaren n uṛemman, 4.608,25 n yiqeṭṭaren n yikiked, 4.405,25 n ufisṭac d 537 n ugusim.

« Tayafut n yisekla n yigumma ikiwanen d ayen ara yeǧǧen tamurt ad tessenqes tafatuṛt n waǧaw n yifarisen-a unfiɛen yernu ad yesselhu aswir n usuder n uɣerman i yigumma-a ikiwanen » ɣef wakken ay d-terna.

Taḥemla ay d-itteddun d tin yessefrayen daɣ tuẓut n urgan deg sḍiset (6) n twilayin n unẓul yernu ti d Nnɛama, Lbeyyeḍ, Tamenɣest, Adrar, Beccaṛ d Tinduf.

« Aseklu-a yesɛa azal yernan d ameqran yernu ad yettwaskurrez deg tjumma n 347,25 n yiqeṭṭaren. 69.450 ara yettwaẓẓun », ɣef wakken ay d-txebber tmasayt-a.

 

Last modified on Asiḍyas, 13 Ɣuct 2022 15:38
Tuẓut n wugar n 11.000 yiqeṭṭaren n yisekla igummanen i tḥemla n 2022-2023
  Yeffeɣ-d ass n : Akwas, 11 Ɣuct 2022 14:00     Taggayt : TADAMSA     Ɣran-t : 2 n tikkal   Bḍu