Menu principal

Menu principal

Azatim n uzemmur: Yerbeḥ-d yiwen n Uzzayri tazalɣi-nnes tis snat n wureɣ deg Dubay

Yeffeɣ-d ass n : Aynas, 08 Ɣuct 2022 16:07   Ɣran-t : 5 n tikkal
Azatim n uzemmur: Yerbeḥ-d yiwen n Uzzayri tazalɣi-nnes tis snat n wureɣ deg Dubay

ZZAYER TAMANEƔT – Yerbeḥ-d yiwen n unfaras azzayri n Ɛin Wessara (Ǧelfa), i tikkelt tis snat, tazalɣi n wureɣ deg umsazwar agraɣlan n uzatimen n uzemmur aqeyyar n Dubay (Limaṛat Taɛṛabin Yeddukklen) n 2022.

Deffir talzaɣi-nnes n wureɣ tamezwarut ay d-yerbeḥ deg Fuṛaṛ yezrin deg umsazwar agraɣlan n uzatim n uzemmur n Dubay (Dubai Olive Oil Competition, DOOC), anfaras Hakim Alileche, yellan d amli n tmeṛka n « Dahbia », yewwi tazalɣi-nnes n wureɣ tis snat ass n 30 Yulyu yezrin ɣef ufaris-nnes ay yeqqimen s tɣara-nni ay yella yesɛa-tt semmus n wayyuren aya.

Deg yiwet n tesguri i Tnegga n Yisalan n Zzayer, iwekked-d Mass Alileche dakken tazalɣi-a tamaynut n wureɣ tettunefk-as ɣef « uzatim-nni ay yettwaselḍen deg Fuṛaṛ yezrin yernu d yiwet n tesmilt n yimgillan d tagraɣlant » ay ifernen azatim-nnes.

« Azatim-nni yeqqim swaswa akken yella deffir semmus n wayyuren yernu d aya ay t-yeǧǧan ad d-yawi tazalɣi-nnes tis snat », ɣef wakken ay d-yessegza.

Yummar Mass Alileche imi ay d-yewwi tazalɣi-a i tikkelt tis snat, yernu yenna-d dakken aya yesskanay-d taɣara « taneblalt » n uzatim n uzemmur azzayri.

« Aya yesskanay-d dakken infarasen izzayriyen n uzatim sɛan timesnegt d tameqrant deg wayen yerzan tiẓdin n uzemmur i tussfa n uzatim d aqeyyar mliḥ », ɣef wakken ay d-yerna.

Yewwi-d yakan Mass Alileche mennaw n  tzalɣiwin niḍen gar-asent tazalɣi n wureɣ n umsazwar agraɣlan n uzatim n uzemmur aqeyyar n Japun (Japan Olive Oil Prize) deg Mayu yezrin.

 

Last modified on Akwas, 11 Ɣuct 2022 14:02
Azatim n uzemmur: Yerbeḥ-d yiwen n Uzzayri tazalɣi-nnes tis snat n wureɣ deg Dubay
  Yeffeɣ-d ass n : Aynas, 08 Ɣuct 2022 16:07     Taggayt : TADAMSA     Ɣran-t : 5 n tikkal   Bḍu