Menu principal

Menu principal

Asiman n GICA yewwi-d aselkin n tulut n uzrak n tegna tuṛufiyin

Yeffeɣ-d ass n : Asinas, 02 Ɣuct 2022 08:34   Ɣran-t : 3 n tikkal
Asiman n GICA yewwi-d aselkin n tulut n uzrak n tegna tuṛufiyin

ZZAYER TAMANEƔT – Tewwi-d Tegrawt Tamgurant n Yisimanen n Zzayer yiwen n uselkin n tulut n uzrak n tegna tuṛufiyin i kraḍ n wazunen n usiman ay d-tɣerref. S waya, tezmer tegrawt-a ad tessenz asiman-nnes deg Tuṛuft, ɣef wakken ay d-yenna, ass n uynas yiwen n ulɣu n uɣlif n temguri.

Tagrawt tanagdudt n GICA tewwi-d, deg Yulyu, aselkin n tulut n uzrak n tegna tuṛufiyin (CE) i kraḍ n wazunen n usiman d-yettwaɣrafen deg tineɣreft n Ɛin Lekbira (Sḍif). Aselkin-a tessuffeɣ-t-id Tiddukla Tafṛansit n Usegnu (AFNOR), ɣef leḥsab n uɣbalu-a.

Isimanen-a d « GICA moudhad », « GICA abiṭun » CEM II /A6 L 42.5 N akked « GICA abiṭun »  CEM II /A6L 42.5 R.

Akaz-a yella-d deffir ma sfeqden isimanen-a i tallit n 20 n wayyuren, ɣef wakken ay d-yenna ulɣu-a ay d-yernan dakkenn tameṛka tuṛufit n CE d tin ara yeǧǧen GICA ad tesdus adeg-nnes deg Tuṛuft deffir ma tudef yakan ɣer Ṭṭalyan, Spenyul d Briṭanya Tameqrant.

Aselkin-a yusa-d daɣ deffir uselkin n tulut i tegna n American Petroleum Institute (API) yerzan asiman apitṛulan yettwasseqdacen deg ugzum n tmerɣa, d win ay d-tewwi GICA deg 2019.

Ɣef leḥsab n ulɣu-a, asiman apitṛulan n GICA d win yessedwaten asuter aɣelnaw n 200.000 n yiṭunen, deg wakud aydeg, naqal, asiman-a tella tettaǧew-it-id Zzayer.

 

Asiman n GICA yewwi-d aselkin n tulut n uzrak n tegna tuṛufiyin
  Yeffeɣ-d ass n : Asinas, 02 Ɣuct 2022 08:34     Taggayt : TADAMSA     Ɣran-t : 3 n tikkal   Bḍu