Menu principal

Menu principal

Aselway Tebboune: Zzayer tezrek amur ameqran seg tewtilin n wadaf ɣer tegrawt n BRICS

Yeffeɣ-d ass n : Aynas, 01 Ɣuct 2022 10:54   Ɣran-t : 2 n tikkal
Aselway Tebboune: Zzayer tezrek amur ameqran seg tewtilin n wadaf ɣer tegrawt n BRICS

ZZAYER TAMANEƔT – Iwekked-d uselway n tegduda, Mass Abdelmadjid Tebboune, dakken Zzayer tezrek amur ameqran seg tewtilin n wadaf ɣer BRICS.

« Adaf ɣer Tegrawt n BRICS yeqqen ɣer kra n tewtilin tidamsanin yernu Zzayer tezrek amur ameqran seg-sent », ɣef wakken ay d-iwekked uselway Tebboune deg umyager-nnes awalan d tɣemsa taɣelnawt ay d-iɛeddan ass n usamas deg tregwa n tliẓrit d ṛṛadyu tiɣelnawin.

Mi yettwatter ɣef ma yella Zzayer tettzitil ad tadef ɣer tegrawt-a, iwekked-d uselway n tegduda dakken « aya maci d awezɣi ad d-yili, maca yif-it ma ur nḥar ara. Netḥeqq kan dakken ad ilin yisalan yessefṛaḥen », ɣef wakken ay d-yenna, am wakken ay d-yerna dakken « Zzayer tennekna ɣer Tegrawt n BRICS imi tagrawt-a tettgensis-d tiḍni d tadamsant yernu d tasertant ».  

« Adaf ɣer tegrawt-a d ayen ara yemmestnen Zzayer, yellan d taferrast n umussu n tmura ur iderreren, seg uḥṛas ay d-yettilin sɣur sin n yisfuyla n teḍni deg umaḍal », ɣef wakken ay d-yerna.

Tagrawt n BRICS llant deg-s tmura yesɛan iktamuren n unerni d isurfanen. Tagrawt-a derwent deg-s Brizil, Rrus, Lhend, Ccinwa d Tefriqt n Unẓul.

 

Last modified on Asinas, 09 Ɣuct 2022 16:34
Aselway Tebboune: Zzayer tezrek amur ameqran seg tewtilin n wadaf ɣer tegrawt n BRICS
  Yeffeɣ-d ass n : Aynas, 01 Ɣuct 2022 10:54     Taggayt : TADAMSA     Ɣran-t : 2 n tikkal   Bḍu