Menu principal

Menu principal

Seg yiserɣan ar uhidrujin, tesseǧhed Zzayer taɣellist-is taẓewrant

Yeffeɣ-d ass n : Aynas, 11 Yulyu 2022 14:35   Ɣran-t : 1 n tikkal
Seg yiserɣan ar uhidrujin, tesseǧhed Zzayer taɣellist-is taẓewrant

ZZAYER  TAMANEƔT – Zzayer i d-yekksen i teẓrahrest azarug-is aɣelnaw deg useggas n 1962, tessaweḍ deg useggas n 1971 akken ad teḥbes tagelt-is taẓewrant, s useɣlen n yiserɣan-is yerna la tettnadi, seg zrin 60 n yiseggasen, ad tesseḍru tukkit-is taẓewrant s usnegmu n teẓwar timaynutin akked teẓwert i d-yettuɣalen.

Seg tennuɣ amennuɣ aweɛran taẓrahrest tafransit, i usuɣal n uzarug-is, yessefk ɣef Zzayer ad tkemmel ad teddu ɣer ufara, tankelwit akked usegmu : akk igzumen, war tasureft, tella yerza-ten ucqirrew-a, ideg yella win n yiserɣan.

Seg tewwi azarug-is, uɣalen yiɣbula n tmurt n yiserɣa d ayla n Zzayer, ufan-ten-id deg useggas n 1956, maca Fransa mazal teṭṭef adabu ilaw n usefrek n yibuɣar-a, s teṛmist taɣelnawt n unadi akked usmahel n upiṭrul deg Zzayer (SN REPAL). Tasuḍfa tafransit (angal n upiṭrul awniri n 1958) akken i yeqqim, deg usnas n yimtawayen n Evian.

Tuki i tixxutert n yisrusen n yiserɣan deg ukala n lebni aɣelnaw akked usegmu yettwarǧan i usemsu n ccwawi n teẓrahrest tafransit, tesseɣnew-d Zzayer, ass n 31 dujember 1963, Taṛmist taɣelnawt n tegmi, afares, amesni, aselket, akked usenzi n yiserɣan Sonatrach, i yuɣalen sakkin d afecku n tsertit taɣelnawt n yiserɣan.

S ɣenwen-tt-id deg tazwara akken ad tqabel amesni akked usenzi n yiserɣan, Sonatrach, imir-a d taṛmist tameqqrant akk yellan deg Tefriqt, tebda cwiṭ cwiṭ tkeccem tibḍatin-iḍen n yirmuden n upiṭrul.

Kra n yiseggasen d afella, deguseggas n 1971, tessuɣal-d Zzayertanaya-staɣrudt n yiɣbula-s yerzaniserɣan, tḥettemɣefteṛmisintiwerdaniyinakken ad cerkentakkedSonatrach i wakken ad zemren ad snernindegteɣult-a.

Icar-itt-id uselway amerḥum Houari Boumediene ass n 24 furar 1971 deguxxam n Uɣref deg Zzayer tamaneɣt, d tasɣimt n Tdukli tamatut n yimehhalen izzayriyen (UGTA) i yesfuglen amulli-s wis 15, aɣtas-a amazray n useɣlen n yiserɣan yekka-d seg ukala aɣezfan n ustag i yebdan deg useggas n 1967.

D aseɣlen i yessawḍen tamurt n Zzayer, imir-a, ad teṭṭef amḍiq wis 17 n yinfarasen n upiṭrul deg umaḍal akked wis 3 deg tefriqt yerna tesɛa 51% tenfatin n teṛmisin tifransiyin i la yettmahalen deg unẓul n tmurt anda i la remdent daɣen ula d tiṛmisin timeqqranin tigteɣlanin.

Seg wass-nni, Zzayer, s Sonatrach, tezga teqqim d nettat i yesɛan amur ameqqran deg teṛmisin tiwerdaniyin yettmahalen deg yigran n upiṭrul akked wurrig n tmurt. D yiwet n tidgi i sǧehden yisuḍaf yemgarden i d-yeffɣen deg wugar n semmus n temrawin n yiseggasen, yessetbet-d waya amenzay n tnaya n Uwanak azzayri ɣer yibuɣar n upiṭrul, n wurrig akked wid n yinaɣzen.

I lmend n yibeddilen yellan deg wulzuz aẓewran anmaḍal, akked ujbad n wugar n yimṣerfen iwerdaniyen akked ujbad n wid ilan tisnatwilin timaynutin deg uqzum-a, yeffeɣ-d yiwen n usaḍuf amaynu, i la d-ijebbden ugar, deg teggara n useggas n 2019 ɣef yiserɣan, d yiwen n ugzum yessawḍen ass-a ɣer wazal n uzgen n unekcum n tefgurin n Uwanak, 20% seg PIB, 91% seg uɣrud n usiǧwen, aya yegla-d s wazal n 300.000 yimeḍqan usriden n umahil.

Aseǧhed n wussisen n usnirem n upiṭrul akked wurrig seg ɣur Sonatrach i iḍemnen, nettat kan i yiman-is, 80% n ufares aɣrud n yiserɣan n tmurt, ma d 20% i d-yegran d tiṛmisin tiwerdaniyin i t-iḍemnen, aya yers deg wahil amaynu n Zzayer tamaynut, i la yessedduy uselway n Tegduda, Abdelmadjid Tebboune, iraddeg-s yiwen n wahil n usnegmu akked tikci n uzal n wakk iɣbula n teẓwert ideg llant teẓwar timaynutin akked tid i d-yettuɣalen.

Sḍis n wayyuren seg-mi yeṭṭef tawuri-s uselway n Tegduda, deg wayyur n dujember 2019, Aselway Tebboune yeɣtes akken ad yesseɣnew yiwen n uɣlif n tukkit taẓewrant akked teẓwar i d-yettuɣalen, d tamezwarut deg umezruy n Zzayer, aya yefka yiwet n tdinamit iǧehden deg useḍru n yiswan n tukkit taẓewrant.

Rnu-d asenfar Solar 1.000 MW i ufares n trisiti seg teẓwert tafukant, i wumi fkan yiduba inagduden azal imezgi, Zzayer la tettnadi ad turar yiwet n temlilt tamezwarut deg temnaḍt deg wayen yerzan afares n uhidrujin azegzaw (seg teẓwar i d-yettuɣalen) neɣ dɣa aẓerwal (seg wurrig agaman), tfaṛes seg wayen tesɛa n teẓwert tafukant, iɣbula-s ixataren n wurrig agaman akked tdumṣukin n usedger ucrik, akked yiketturen-is imeqqranen deg tegmi akked usnegmu.

Deg tmuɣli-ya i yeɣtes Unabaḍ akken ad yeg yiwet n tsetratijit taɣelnawt n usnegmu n uhidrujin, s yisem-is d taẓwert tazedgant, s usmerki n mennaw n yigzumen am Teẓwert, tukkit taẓewrant, Aselmed unnig akked tegmi tussnant, ixulaf imuyna (tiṛmisin n tesnatwilin timaynutin), Tiẓraf, Tasmirit n teẓwert i d-yettuɣalen akked tmellilt taẓewrant.

S wahil-a azitlan i la d-sseḍruyen, Zzayer, anfares wis 10 deg umaḍal n wurrig, tegguccel akken ad tenǧeḥ tukkit-is taẓewrant, s uḥareb ɣef yiɣbula-s igamanen i tsutwin i d-iteddun, akked usersi deg tenzagt azarug-is aẓewran.

Seg yiserɣan ar uhidrujin, tesseǧhed Zzayer taɣellist-is taẓewrant
  Yeffeɣ-d ass n : Aynas, 11 Yulyu 2022 14:35     Taggayt : TADAMSA     Ɣran-t : 1 n tikkal   Bḍu