Menu principal

Menu principal

Takerrazt tazzayrit d tin ay yessawḍen ad tqabel acqirrew n tɣellist tanuččit

Yeffeɣ-d ass n : Aynas, 11 Yulyu 2022 12:20   Ɣran-t : 4 n tikkal
Takerrazt tazzayrit d tin ay yessawḍen ad tqabel acqirrew n tɣellist tanuččit

ZZAYER TAMANEƔT – Deg 60 n yiseggasen aydeg tedder Zzayer deg uzarug, agzum n tkerrazt yeflali-d yernu d win ayyes tessaweḍ tmurt ad teḍmen taɣellist tanuččit, am akken ay t-terra d yiwen seg yigzumen-nnes isnuddsanen.

Deffir acḥal n yiseggasen n wussisen, Ahil Anmaḍal n Tuččit n Yiɣlanen Yeddukklen yessers d Zzayer d tamurt tamezwarut deg Tefriqt deg wayen yerzan taɣellist tanuččit s uswir n yimdanen yelluẓen n ddaw 2,5% ɣef leḥsab n tɣerfa taɣrudt gar 2018 d 2020. D Zzayer ay d tamurt tafriqit tayiwnant yellan deg uswir-a yernu tewwi-d adeg-nnes d umur ameqqran n tmura tuṛufiyin, Iwanaken Yedudkklen, Kanada, Ccinwa, Rrus, Brizil, Ustṛalya d waṭas n tmura niḍen.

Gar yiɣawasen ay yesnes Zzayer i usnegmu n ugzum-nnes akerrazan, tella « tegrawla takerrazant » n 1970 ay d-icar umeṛḥum Houari Boumediene. Iswan-nnes d asiweḍ n Zzayer akken ad d-tqam iman-nnes am wakken ay twet daɣ tmurt akken ad tesfeḍ tarebbawt s tkerrazt s tukci n wakal i wid ur t-yesɛin. I lmend n userbeḥ n tegrawla-a, ẓẓan daɣ Uggug Azegzaw akken ad ḥerzen akal seg useyyex.

Daɣ, s ugzum-nnes akerrazan adusan, Zzayer tessaweḍ ad temmesten iman-nnes seg laẓ seg tezɣent n unfafad bu tedri n 2020. Tessaweḍ tmurt ad d-tfares 3500 n yimelyaṛen n yidinaṛen deg 2021 yernu aya yeggenses-d 14% seg ufaris agensi anusem aɣelnaw. Ass-a, agzum n tkerrazt yeddal 73% seg yisraten n wulzuz adigan yernu acayaḍ n ufares aɣelnaw tessaǧaw-it tmurt.

Deg tferkit n ubrid n 2020-2024,  yerna-d ugzum n tkerrazt ifurka isnuddsanen n yimzatimen (akulza d uṣuja) akken ad tdel tmurt 25% seg yisraten-nnes iɣelnawen n uzatim n ukulza d 33% seg yisraten-nnes n ukbal seg-a ɣer 2024. Aya yudef daɣ deg usnegmu n tkerrazt tanirant.

Tasertit-a tamaynut ayɣef d-iweṣṣa uselway n tegduda, Mass Abdelmadjid Tebboune, tsemmel daɣ takerrazt tazegzawt d usefrek ameɣẓan n teɣbula tigamanin. S waya, yella-d usmal n ussway timeqqit-timeqqit deg 939.200 n yiqeṭṭaren. S waya, 64% seg tjumma yettwasswayen (1.473.919) sswayen-t s tetwilt-a.

 

Last modified on Aynas, 11 Yulyu 2022 19:50
Takerrazt tazzayrit d tin ay yessawḍen ad tqabel acqirrew n tɣellist tanuččit
  Yeffeɣ-d ass n : Aynas, 11 Yulyu 2022 12:20     Taggayt : TADAMSA     Ɣran-t : 4 n tikkal   Bḍu