Menu principal

Menu principal

Arẓam n yizirig agennan gar Zzayer Tamaneɣt d Addis Abeba d asurif ameqqran

Yeffeɣ-d ass n : Akwas, 07 Yulyu 2022 11:59   Ɣran-t : 8 n tikkal
Arẓam n yizirig agennan gar Zzayer Tamaneɣt d Addis Abeba d asurif ameqqran

ZZAYER TAMANEƔT – Tenna-d tselwayt n Tegduda n Ityupya, Massa Sahle-Work Zewde, ass n ukras deg Zzayer Tamaneɣt, dakken aɣtas n urẓam n yizirig agennan gar Zzayer Tamaneɣt d Addis Abeba d « asurif ameqqran » deg useḍru n wuggumen ucriken gar Zzayer d Ityupya.

Deg yiwen n usarag ucrik n tɣemsa ay tga d uselway n Tegduda, Mass Abdelmadjid Tbeboune deffir yidiwenniyen ay tga yid-s deg tselwit n tegduda, twekked-d Massa Sahle-Work Zewde dakken « isali n urẓam n yizirig agennan gar Zzayer Tamaneɣt d Addis Abeba d asurif ameqqran deg ubrid n useḍru n wuggumen-nneɣ ucriken ay werɛad wwiḍen ɣer uswir wuɣur uklalen ad awḍen ».

Tenna-d dakken adiwenni-nnes d uselway Tebboune d win « ay d-yewwin abaɣur », am wakken ay d-terna dakken tirzi-nnes ɣef Zzayer « tesskanay-d assaɣen icerken snat-a n tmura yernu deg snat ttmahalent i lmend n usmal-nsent ».

I lmend n waya, txebber-d dakken ad d-tili Tesmilt Tucrikt tis 5 gar snat-a n tmura deg Ctembeṛ ay d-itteddun deg Addis Abeba.

Massa Sahle-Work Zewde tessenfali-d tumert-nnes imi ay d-terza ɣef Zzayer yellan d tamurt yesɛan azal meqqren ama i tmura tifriqiyin, ama i yiɣerfan-nnes, am wakken ay d-terna dakken Tagrawla Tazzayrit « d tadyant tamezruyant taxatart yernu d tasurfant deg umennuɣ n yiɣerfan yettwashersen i lmend n ulelli-nsen ».

 

Last modified on Asimwas, 08 Yulyu 2022 14:16
Arẓam n yizirig agennan gar Zzayer Tamaneɣt d Addis Abeba d asurif ameqqran
  Yeffeɣ-d ass n : Akwas, 07 Yulyu 2022 11:59     Taggayt : TADAMSA     Ɣran-t : 8 n tikkal   Bḍu