Mi tettwassekyed tenqiḍt yerzan amesten, abaḍi d tittwassedrezt n tnezzut tagraɣlant d tgensit, yumeṛ uselway Tebboune « asmuteg n usenfar n usaḍuf yerzan aseɣnew n yiwen n useqqamu n useɣyed n waǧawen », ɣef wakken ay d-yenna yiwen n ulɣu n useqqamu n yineɣlafen.
« Aseqqamu-a ad yili ddaw n tmaḍirt n uneɣlaf amenzu yernu ad d-yelhu s tuɣdaḍin n usbadu n yifarisen d yilzazen yettwawehhan i wulzuz aɣelnaw yernu d wid itteddun ɣef leḥsab n tmerniwt niɣ anqas n ufaris aɣelnaw », ɣef wakken ay d-yenna uɣbalu-a.
Iwekked-d uselway Tebboune, deg temlilit-a, dakken « amesten n tbaɣurt d tlemsin n yiɣersiwen d yimɣan yettwaggzen yessefk ad yili deg ukatar n tmuɣli taɣelnawt d tamakkit ».