Menu principal

Menu principal

Arẓam n Tmesrit Tis Snat n Tmerrit d Tenḍi deg Zzayer

Yeffeɣ-d ass n : Aynas, 27 Yunyu 2022 10:47   Ɣran-t : 23 n tikkal
Arẓam n Tmesrit Tis Snat n Tmerrit d Tenḍi deg Zzayer

ZZAYER TAMANEƔT – Kumraw n temẓermisin yettmahalen deg tmerrit d tenḍi ay iderwen deg teẓrigt tis 2 n Tmesrit n Tmerrit, Tinḍi d Yifarisen Idiganen ay yettwaẓẓunẓan ass n usamas deg Telmat n Warramen n Lḥamma, deg Zzayer Tamaneɣt.

Tamesrit-a tella-d s tsentayt n Tnegga Taɣelnawt n Udhal d Usnegmu n Uṛmas s usemyuddes d tmehla n tmerrit n twilayt n Zzayer, yernu d taɣellat n udiwan n uneɣlaf anesmigal ɣer uneɣlaf amenzu d-yelhan s temẓermisin, Tamani Ferchichi, ay t-yeẓẓunẓan ɣer yidis n uwali anesmigal n Ḥusin Day, Youcef Begriche, anemhal n tmerrit n twilayt n Zzayer, Mokdad Tabet d unemhal amatu n tnegga, Mohamed-Cherif Bouziane.

Tadyant-a tella-d s tẓugayt n « Ad nebnu tamurt-nneɣ s tillumẓa-nneɣ », yernu d tin ay d-yellan deg ukatar n usfugel n umulli wis 60 n uzarug aɣelnaw d tillumẓa d wass aɣelnaw n tmerrit. Iswi n tmesrit-a d asdusu n ublag d amellil yernu d adettan gar yimeggiyen n tmerrit, tinḍi d yifarisen idiganen akken ad derwen deg usnegmu adigan, ɣef wakken ay d-tenna Mass Ferchichi i Tnegga n Yisalan n Zzayer.

Tamesrit-a ad d-tili daɣ d talemmiẓt i uwekked ɣef yifujaren ay d-ssumurent tneggiwin n udhal n usemres i yilemẓiyen yesɛan isenfaren deg ukatar n tsemmeskal ay d-yebda uɣlif anesmigal d-yelhan s temẓermisin, ɣef wakken ay d-terna.

Deg yiwen n umyager d tɣemsa deg yijifeṛ n tfugla n uẓunẓu, tenna-d Mass Bouziane dakken tamesrit-a iswi-nnes d axebber n ugdud ɣef temlilt n Tnegga Taɣelnawt n Udhal d Usnegmu n Uṛmas deg useɣnew n temẓermisin deg yigzumen yemgerraden.

 

Last modified on Asinas, 28 Yunyu 2022 09:44
Arẓam n Tmesrit Tis Snat n Tmerrit d Tenḍi deg Zzayer
  Yeffeɣ-d ass n : Aynas, 27 Yunyu 2022 10:47     Taggayt : TADAMSA     Ɣran-t : 23 n tikkal   Bḍu