Menu principal

Menu principal

Tiniri Tutirmt: Addud n Tdukli Tuṛufit d « adhal ummid n wussisen n Yiɣlanen Yeddukklen »

Yeffeɣ-d ass n : Asinas, 17 Mayu 2022 11:45   Ɣran-t : 1 n tikkal
Tiniri Tutirmt: Addud n Tdukli Tuṛufit d « adhal ummid n wussisen n Yiɣlanen Yeddukklen »

BRUXELLES – Yules iwekked-d ugensas unnig n Tdukli Tuṛufit i yiweẓla iwerdaniyen d tsertit n tɣellist, Josep Borrell, dakken addud ucrik n tmura n Tdukli Tuṛufit deg wayen yerzan tmsalt n Tniri Tutrimt d « adhal ummid n wussisen ay ttgen Yiɣlanen Yeddukklen » i usiweḍ ɣer tifrat tasertant ara qeblen yidisan n umyenkaf, Tirni n Polisario d Meṛṛuk.

Deg tririt-nnes, ass n usamas, s yisem n Tesmilt Tuṛufit ɣef Temsalt Tawnirit, yules iwekekd-d Mass Borrell dakken « addud n Tdukli Tuṛufit ɣef Tniri Tutrimt d win ay d-yesskanayen tannayt tucrikt yellan gar yiwanaken imaslaḍen n Tdukli Tuṛufit – d win n udhal ummid n wussisen ay tetteg Tuddsa n Yiɣlanen Yeddukklen i lmend n ukala asertan i usiweḍ ɣer tifrat tasertant d tuɣdimt, d tunzigt yernu d tin ara yettwaqeblen i temsalt n Tniri Tutrimt s uzrak n tneɣtusin n Useqqamu n Tɣellist n Tuddsa n Yiɣlanen Yeddukklen ».

« Tadukli Tuṛufit tettwali dakken akk timsal yerzan Tiniri Tutrimt d uẓayer-nnes yessefk ad ttwasekkrent s uzrak n usaḍuf agraɣlan deg ukatar n yistagen ay d-yettilin, imir-a, ddaw tmehla n umazun uzzig n uwnetlay amatu n Yiɣlanen Yeddukklen, Staffan de Mistura », ɣef wakken ay d-ikemmel Mass Borrell.

Iwekked-d daɣ dakken « akala ay tessedday Tuddsa n Yiɣlanen Yeddukklen d urẓim yernu agmuḍ-nnes agaran ad t-ɣetsen yidisan ay terza temsalt deg ukatar n tneɣtusin n Useqqamu n Tɣellist n Tuddsa n Yiɣlanen Yeddukklen ».

Tiniri Tutrimt tettwassaggez, deg 1966, deg wumuɣ n yigelluyen ur ilin tafulmant, s waya, agelluy-a d win ay terza temsalt n tneɣtust 1514 n Ugraw Amatu n Tuddsa n Yiɣlanen Yeddukklen yerzan tukksa n usehres. Tiniri Tutrimt d nettat ay d tahrest taneggarut deg Tefriqt yernu tewdeg-itt Meṛṛuk deg 1975.

 

Last modified on Akras, 18 Mayu 2022 12:04
Tiniri Tutirmt: Addud n Tdukli Tuṛufit d « adhal ummid n wussisen n Yiɣlanen Yeddukklen »
  Yeffeɣ-d ass n : Asinas, 17 Mayu 2022 11:45     Taggayt : TADAMSA     Ɣran-t : 1 n tikkal   Bḍu