Menu principal

Menu principal

Inaɣzen: Yeɛreḍ-d Arkab tiṛmisin tičikiyin akken ad sseftint deg Zzayer

Yeffeɣ-d ass n : Aynas, 16 Mayu 2022 10:28   Ɣran-t : 3 n tikkal
Inaɣzen: Yeɛreḍ-d Arkab tiṛmisin tičikiyin akken ad sseftint deg Zzayer

ZZAYER TAMANEƔT – Yeɛreḍ-d uneɣlaf n teẓwert d yinaɣzen, Mohamed Arkab, tiṛmisin tičikiyin akken ad sseftint deg yinaɣzen deg Zzayer yernu ad d-sɣenwent iblagen akked teṛmisin tizzayriyin, ɣef wakken ay d-yenna yiwen n ulɣu n uɣlif.

Yemmuger Mass Arkab, deg tesɣimt n ugezdu-nnes aɣlifan, yiwet n tmagla n Tegduda Tačikit ay d-yerzan ɣef Zzayer ddaw ulway n tenmazalt n tmurt-a deg Zzayer, Massa Lenka Pokorna, ɣef wakken ay d-yenna uɣbalu-a.

Timlilit-a d tin aydeg derwen yikataren n uɣlif n teẓwert d yinaɣzen, aselway-anemhal amatu n Tegrawt n Manadjim El Djazair (MANAL) d yiselwayen n yifurka n tegrawt-a d yigensasen n Tnegga Taɣelnawt n Yirmuden Inaɣzanen akked Tnegga n Umeẓlu Asnakalan n Zzayer, yernu skeyden tilemmiẓin d yilfusen n usefti d ublag deg unrar n yinaɣzen deg Zzayer, ɣef wakken ay d-yenna uɣlif.

I lmend n waya, yessemned-d Mass Arkab aɣawas n usnegmu n ugzum anaɣzan yernu yenna-d dakken Zzayer teɣs ad d-tesnegmu isenfaren d isemṣaken deg ugzum-a yernu aya d afran asnuddsan i wammad n tbuɣar tigamanin d tzaranin tixatarin ay tesɛa tmurt, ɣef wakken ay d-tenna teftart-a.

I lmend n waya, yenced-d uneɣlaf tiṛmisin tičikiyin akken ad sseftin deg yinaɣzen n Zzayer yernu ad d-sɣenwen iblagen d teṛmisin tizzayriyin i ubaɣur ucrik s usekki n tmesnegt d usileɣ, ladɣa imi tinwiyin ay d-yellan deg usaḍuf n yinaɣzen iswi-nsent d asduqqes d usḥerfi n tsekkirin n usefti deg tɣult-a.

 

Last modified on Aynas, 16 Mayu 2022 10:57
Inaɣzen: Yeɛreḍ-d Arkab tiṛmisin tičikiyin akken ad sseftint deg Zzayer
  Yeffeɣ-d ass n : Aynas, 16 Mayu 2022 10:28     Taggayt : TADAMSA     Ɣran-t : 3 n tikkal   Bḍu