Deffir uneskin ɣef twaẓit n usenfar n ufares n ufusfaṭ yennummden, yumeṛ uselway Tebboune « s tukci n tixxutert meqqren yernu d tasurfant i uḍfar umqit n usenfar-a deg unrar yernu aseḍru-nnes d win yuklalen akk tiɣersawin imi wa d asenfar axatar ara yuraren tamlilt d tameqqrant deg ugzum anaɣzan azzayri, am wakken ara yedrew deg usineḍ n tdamsa taɣelnawt d useɣnew n tbaɣurt d tamaynut », ɣef wakken ay d-yerna uɣbalu-a.
I lmend n waya, yumeṛ uɣella n uwanak s useɛjel n « usmuteg d tmeṣkiwt n yizirig n ubrid n wuzzal gar Tibest d usagen n Ɛennaba i uciri n useḍru n usenfar-a axatar d yineblagen-nneɣ icinwaten », ɣef wakken ay d-yerna ulɣu-a.