Menu principal

Menu principal

Tadyant n « Algeria Disrupt 2022 »: Akaten imaynuten i usebɣes n tgemma

Yeffeɣ-d ass n : Asamas, 06 Meɣres 2022 11:45   Ɣran-t : 9 n tikkal
Tadyant n « Algeria Disrupt 2022 »: Akaten imaynuten i usebɣes n tgemma

ZZAYER TAMANEƔT – Taẓrigt tis snat n Usarag Aɣelnaw n Tgemma n « Algeria Disrupt 2022 » d win aydeg d-xebbren ɣef wakaten d imaynuten yessebɣasen tigemma yernu wi d akaten ara yesdusen iksaben ay d-yettwaḥazen deg sin-a n yiseggasen ineggura.

Tadyant-a ssuddsen-tt yimeẓla n uɣlif anesmigal d-yelhan s tdamsa n tmussni d tgemma deg Wammas Agraɣlan n Yisaragen n Abdellatif-Rahal deg Zzayer Tamaneɣt, yernu d asarag aydeg yedrew uneɣlaf amenzu, Aimene Benabderrahmane, d kra n yimaslaḍen n unabaḍ d yimasayen unnigen n uwanak.

Derwent daɣ, deg tedyant-a, tgemma d yimezdalen yernu yella-d waya d tagnit i umyager gar yimsaduren d yimawlan n yisenfaren isfaranen.

« Zzayer tedder, ass-a, insenfal igetsektanen. Ɣer yidis n tsemmeskal tisertanin ay d-yebda uselway n tegduda seg wasmi ay yeqqel d aselway n tmurt d usmuynet n tsuda n uwanak azzayri, yettunefk daɣ wazal d ameqqran d ugellusan i tsemmeskal tidamsanin deg ukatar n uwahil aselwayan », ɣef wakken ay d-yenna uneɣlaf amenzu deg tinawt-nnes n urẓam.

Seg yidis-nnes, aneɣlaf anesmigal ɣer uneɣlaf amenzu d-yelhan s tdamsa n tmussni d tgemma, Yacine El Mahdi Walid, yeckeṛ-d anegmu ay d-yellan deg tɣult n tgemma deg sin-a n yiseggasen ineggura, yernu tawennaḍt n tgemma-a tettwasselha s yisaḍufen imaynuten d tsemsedda n udhal d usdirem ay d-yesmuteg uwanak.

 

Last modified on Asamas, 06 Meɣres 2022 21:18
Tadyant n « Algeria Disrupt 2022 »: Akaten imaynuten i usebɣes n tgemma
  Yeffeɣ-d ass n : Asamas, 06 Meɣres 2022 11:45     Taggayt : TADAMSA     Ɣran-t : 9 n tikkal   Bḍu