Menu principal

Menu principal

Aselda n Wurrig Azgerniran: Fukent Takkayin Tigejdanin n Usenfar

Yeffeɣ-d ass n : Asimwas, 18 Fuṛaṛ 2022 15:23   Ɣran-t : 14 n tikkal
Aselda n Wurrig Azgerniran: Fukent Takkayin Tigejdanin n Usenfar

ZZAYER TAMANEƔT – Aɣtas n uheyyi n tferkit n ubrid i tmeṣkiwt n uselda n wurrig azgerniran (Trans-Saharan Gas-Pipeline, TSGP) ay yeddem uneɣlaf n teẓwert d yinaɣzen, Mohamed Arkab d yimtilen-nnes n Nijir d Nijirya yella-d d asurif agejdan deg usekmem n tdumṣukt-a taẓewrant taxatart.

Yezmel Mass Arkab, ass n ukras deg Niamey, tasguri tucrikt yerzan asenfar-a deg yijifeṛ n unmager wis kraḍ d tzikkent n yinaɣzen d upitṛul n Umɣiwan Adamsan n Yiwanaken n Tefriqt n Utaram (Ecomof 2022), am wakken ay tt-yezmel, daɣ, uneɣlaf n upitṛul, taẓwert d teẓwar d-yetteqqalen n Nijir, Mahamane Sani Mahamadou, d uneɣlaf n uwanak n teɣbula tipitṛulanin n Nijirya, Timipre Sylva, yernu iswi-nnes d azeddi n tferkit n ubrid ara d-yilin i lmend n uckaḍ n usenfar-a.

Idisan-a sseknen-d daɣ timeɣsiwt-nsen akken ad sseddun asenfar-a « asnuddsan » ucrik akken iwata yernu iswi-nnes d tuqqna n wulzuz uṛufi ɣer yigran urriganen n Nijirya. Aselda-a d win ara d-yebdun seg Nijirya yernu ad yekk ɣef Nijir d Zzayer.

Kraḍt-a n tmura d tid yesɛan assaɣen n unmireg d ublag « igerrzen », yernu d tid yemɛahaden, s tesguri-a, akken ad d-skemement asenfar-a aẓewran.

 

Last modified on Asamas, 20 Fuṛaṛ 2022 09:19
Aselda n Wurrig Azgerniran: Fukent Takkayin Tigejdanin n Usenfar
  Yeffeɣ-d ass n : Asimwas, 18 Fuṛaṛ 2022 15:23     Taggayt : TADAMSA     Ɣran-t : 14 n tikkal   Bḍu