Deg yiwen n udiwenni i uyalas n El Khabar, yenna-d Mass Menouar dakken Naftal tessefray ad d-tesseḍru « asenfar meqqren n tmeṣkiwt n uselda i umesni n wurrigen n ubutan d upṛupan srid seg Warzew ɣer tmaneɣt », am wakken ay d-yessegza dakken timdinin d-yusan ɣef ubrid n uselday-a yernu sɛant ammasen n usmidel ad qqlen ad tent-ttawḍen wurrigen-a srid s uselda-nni.

Taswiɛt-a, d iɣerruba ay yessawaḍen urrigen-a seg Warzew ɣer tmaneɣt. Mi ara ssiwḍen yiɣerruba-a urrigen-a ɣer Zzayer Tamaneɣt, aḥric  wagga-a ttawin-t yikamyunen ɣer temdinin niḍen am Cclef, ɣef wakken ay d-ixebber umasay-a ay d-iwekkden dakken aselda-a d win ara d-yeglun s tifrat d « tunzigt » acku amesni s yikamyunen yesɛa timijwin-nnes (isehwa d umdes n twennaḍt).

Iwekked-d uselway-anemhal amatu n Naftal dakken ttwaddmen akk wakaten yessefken i usigeẓ n yimezdaɣen s wurrig n ubutan ula deg temnaḍin tuɣḍisin akken ur d-tettili ara tezɣent n usigeẓ, ladɣa deg tegrest aydeg irennu aṭas n usuter n wurrig-a.

« Tagnit attan ddaw ubaḍi ala ma tella-d tedyant yellan nnig tezmert n umdan », ɣef wakken ay d-yenna, am wakken ay d-yerna dakken ttwaddmen akk wakaten i usigeẓ n yal tamnaḍt yernu llan yiɣawasen yemgerraden akken, ma ur yečči ara kra n uɣawas, ad yettwasseqdec wayeḍ deg udeg-nnes.