Menu principal

Menu principal

Anabaḍ yessefray ad yessifses asedwen n yizraren n ufares yettwaṣeggmen

Yeffeɣ-d ass n : Akwas, 27 Yennayer 2022 14:32   Ɣran-t : 33 n tikkal
Anabaḍ yessefray ad yessifses asedwen n yizraren n ufares yettwaṣeggmen

ZZAYER TAMANEƔT – Yettwassekyed yiwen n usenfar n tanaḍt taslekmant, ass n ukras, deg temlilit n unabaḍ ay yesselwi uneɣlaf amenzu, Aimene Benabderrahmane, ɣef usifses n tsekkirin n tukci n usireg n usedwen i yizraren d yisgulaf n ufares yettwaṣeggmen.

Deg temlilit-a smenden-d asenfar n tanaḍt taslekmant ara yesneflen yernu ad tessmed tanaḍt taslekmant 20-312 n 15 Wamber 2020 yerzan tiwtilin d yiskaren n tukci n usireg n usedwen n yizraren d yisgulaf n ufares yettwaṣeggmen deg ukatar n yirmuden n ufares n yifarisen d yimeẓla. Isenwiyen ay d-yettwarnan ɣer tanaḍt-a iswi-nsen d asifses n usedwen n yizraren d yisgulaf-a.

Smenden-d daɣ, deg temlilit-a, aneskin ɣef usduqqes n temguri tatrisant d usmal n yisiǧwen n yisgulaf d yimeẓla n ufurk-a.

« Fernen-d afurk-a ɣef lǧal n tlemmiẓin ay yesɛa deg wulzuz aɣelnaw deffir ma nnegman yiketturen n ufares aɣelnaw, amesni d usedger n teẓwert tatrisant yellan d ifujaren i usnegmu d uflali n ufurk-a », ɣef wakken ay d-yenna ulɣu-a.

Daɣ, yettwafren ufurk-a ɣef lǧal n tenḍa d tɣara n yifarisen d yisgulaf itrisanen d-yettwaɣerfen deg Zzayer yernu d wid ay ireẓmen abrid i usiǧew d usineḍ n tdamsa yexḍan timerɣa, ɣef wakken ay d-yenna uɣbalu-a.

 

Last modified on Asimwas, 28 Yennayer 2022 13:49
Anabaḍ yessefray ad yessifses asedwen n yizraren n ufares yettwaṣeggmen
  Yeffeɣ-d ass n : Akwas, 27 Yennayer 2022 14:32     Taggayt : TADAMSA     Ɣran-t : 33 n tikkal   Bḍu